Iobi 13:1-28
13 “Eng, e a tia matau n nori baikai ni kabane,Ao e a tia taningau n ongo ao ni mataata iai.
2 Te bwai ae kam ataia ao I ataia naba,I aki mangori riki nakoimi.
3 Bwa ngai irou, e raoiroi riki ae I taetae nakon Teuare Moan te Mwaaka,I kani kaota riain au tangitang nakon te Atua.+
4 Ma kam a kabarekaa taekau n ami kewe,Bon taani katoki aoraki ngkami ni kabane aika akea uaami.+
5 Ngke arona bwa kam bon teimatoa ni kainabwabu,Ao e na oti iai bwa kam wanawana.+
6 Taiaoka ongora n au kaotioti,Ao kakauongo nakon ana bubutii riau.
7 Kam na taetae n te aro ae aki eti ibukin te Atua,Ao kam na taetae ni mwamwanaa te aba ibukina?
8 Kam na tei n ana itera,*Kam na kataia ni boutokaa ana itera te Atua ae koaua?
9 E na nakoraoi ibukimi ngkana e tuoingkami?+
Kam na mwamwanaia n aromi ni mwamwanaa te aomata ae mamate?
10 E na boni boaingkamiNgkana kam karabaingkami ni kataia ni kaotiota te inanonano.+
11 Tiaki e na kakamaakuingkami arona ae rine,Ao e na bwakaringkami maakakina?
12 Ami taeka ni kawanawana* te aba bon taeka n rabakau aika akea manenaia n aron te mannang,Kamanoami kaanga ai aroni bwaai ni kamanomano aika kai uruaki aika karaoaki man te bokaboka.
13 Teimatoa ni kainabwabu i matau, bwa I aonga n taetae.
Ao ke e roko irou te bwai ae e na roko irou!
14 E aera ngkai I a boni karekeai n te kabuanibwai*Ao ni kaaki maiuu* i nanoni baiu?
15 E ngae ngke tao e na tiringai, ma N na bon tataninga,+N na kaota riain au tangitang* i matana.
16 E na riki ngkanne bwa te tia kamaiuai,+Bwa akea te aomata ae aki maaka te Atua* ae e na rin i matana.+
17 Ongora raoi n au taeka,Ao kakauongo nakon au kaotioti.
18 Noria ngkai, I a tia ni katauraoa au tangitang,Ao I ataia ae I bon eti.
19 Antai ae e na kaitaraai?
N na boni mate ngkana arona bwa I kainabwabu!*
20 Te Atua, ko bia kariaia nakoiu baika tii uoua,*Bwa I aonga n aki manga karabaai mai matam:
21 Kamwawaa baim ae rawawata ni kararoaa mairou,Ao tai kariaia maakam bwa N na maakunrang iai.+
22 Ko na wewete ao I a kaeka,Ke kariaia bwa N na taetae ao ko na kaekaai.
23 Baikara au kairua ma au bure?
Kaota nakoiu au kairua ma au bure.
24 E aera ngkai ko karabaa matam+Ao ko iangoai bwa aiam?+
25 Ko na kataia ni kakamaaka te baanikai ae ukakinako n te ang,Ke ni kaea te uteute ae mwau?
26 Bwa ko teimatoa ni kokorei mwini bukinau aika kammaraki
Ao ko kairoroai bwa N na anai uaan au bure ngke te roro n rikirake ngkoa ngai.
27 Ko karini waeu i nanon te bwai ni kabaewae,Ao ko tuoi raoi kawaiu nako,Ma ni kakaaei mwin nako mwanekau.
28 Mangaia are e a tabe ni mka te aomata* n aron te bwai ae mka,N aron te kunnikai ae kanaki n te koa.*
Taiani Kabwarabwara Mai Nano
^ Ke, “kaotiota te inanonano nakoina.”
^ Ke, “riai n uringaki.”
^ Ebera, “E aera ngkai I uota irikou i nanoni wiu?”
^ Ebera, ne’phesh, nora Nanon Taeka.
^ Ke, “tei ibukin arou nako.”
^ Ke, “akea te tia tannako man te koaua.”
^ Ke tao, “Ngkana iai ae e kona ao N na kainabwabu ma ni mate.”
^ Ebera, “Tii uoua baika ko na aki karaoia nakoiu.”
^ Ebera, “teuaei,” tao e kaineti nakon Iobi.
^ Nora Nanon Taeka.
