Iobi 31:1-40
31 “I a tia ni karaoa te berita ma matau.+
N na kangaa ngkanne n iaiangoa te teinnaine n te aro ae aki riai?+
2 Tera ngkanne tibwau mairoun te Atua ae mena i karawa,Ao tera tibwangau mairoun Teuare Moan te Mwaaka ae mena i eta?
3 Tiaki e mena te kabuanibwai imwain te tia kakaraoa ae bure,Ao te rawawata imwaia akana karaoa ae karuanikai?+
4 Tiaki e nori kawaiu+Ao ni wareki mwanekau ni kabane?
5 I a tia n nakonako n aki bwabwaina te koaua?*
Ao e a tia waeu n ienikuri nakon te mwamwanaa te aba?+
6 Ke e taua rawawatau te Atua n te kainikatine ae eti raoi,+Ao e na ataa raoi ngkanne etin arou.+
7 Ngkana e tibanako waeu man te kawai ae eti,+Ke e a tia nanou ni kakairi ni matau+Ke a a tia ni kamwaraeaki baiu,
8 Kariaia ngkanne bwa N na uniki koraa, ma e na kana uaana temanna,+Ao kariaia bwa a na taewakaaki baike I uniki.*
9 Ngkana e a tia n anaaki nanou iroun te aine temanna+Ao ngkana I a tia ni kakaran+ n ana mataroa raou n aomata,
10 Ao kariaia ngkanne buu bwa e na kamantinta ana uita te mwaane temanna,Ao ke a wene n taanga ma ngaia mwaane tabeman.*+
11 Bwa bon te aroaro ae kanuka anne,Ae te bure ae bon tau ni katuuaaeaki irouia taani moti.+
12 Bon te ai ae e na kaakang ma n ururu,*+Ao e kabueki naba wakaan* au bwai ni kabane.
13 Ngkana I aki angania au toro aika mwaane ke aine te kaetitaeka ae riai,Ngkana a tangitang irou,
14 Ao tera ae I kona ni karaoia ngkana e a kaitaraai * te Atua?
Ao N na kangaa ni kaekaa ngkana e a kaeta taekau?+
15 Bwa tiaki Teuare karaoai i nanon te biroto, e boni karaoiia naba?+
Tiaki boni ngaia naba Teuare karaoira imwaini bungiakira?*+
16 Ngkana I rawa n angania ake a maiu ni kainnano te bwai ae a tangiria,+Ke ni kananokawaka matan te aine ae e a tia ni mate buuna,*+
17 Ao ngkana I kana bwaunau n te amwarake n tii ngai,N aki tibwaia ma ataei aika a a tia ni mate aia karo,+
18 (Mangke te roro n rikirake ngai ao e ikawairake irou te teei ae a a tia ni mate ana karo kaanga ai aron ae tamana ngai,Mangke I uarereke* ao bon te tia kaira ngai te aine ae e a tia ni mate buuna.)
19 Ngkana I nora temanna ni mate ibukin akean ana kunnikai,Ke te aomata ae maiu ni kainnano ae akea rabunana,+
20 Ngkana e* aki kakabwaiaai,+Ngkai e kaabuea ni buraen au tiibu,
21 Ao ngkana I kateitea au timoi ni kaitaraa te teei ae a a tia ni mate ana karo,+Ngkana e kainnanoa au ibuobuoki ni mataroan oon te kaawa,*+
22 Ao ke e bwaka baiu* mai angau,Ao ke e mwaoto baiu mai bubuanibaiu.*
23 Bwa I rangi ni maaka te kabuanibwai mairoun te Atua,Ao I a aki kona n tei imwain arona ae rine.
24 Ngkana I onimakina te koora,Ke ni kangai nakon te koora ae raoiroi, ‘Boni mweraoiu ngkoe!’+
25 Ngkana I kunea kimwareireiu ni kaubwaiu ae korakora,+Ibukina bwa a rangi ni bati au bwai aika I karekei,+
26 Ngkana I nora taai bwa e oota,Ke tamaroan namwakaina ngkana e mwainging,+
27 Ao e anaaki nanou n te aro ae raba,Ao e kaboria wiu ma baiu n taromaurii baikai,+
28 Anne ngkanne bon te bure ae tau ni katuuaaeaki irouia taani moti,Bwa I kakeaa te Atua ae koaua ae mena i eta.
29 I a tia ni kimwareirei ni kamaunaan te aomata ae kairiribai nakoiu,+Ke ni kakatonga ibukina bwa e bwakaria te buakaka?
30 I tuai mani kariaia bwa e na bure wiuNi bubutii ibukini maiuna* n te taetae n tuea.+
31 A a tia ni kangai mwaane ake n au umwanrianna,‘Antai ae kona ni kunea te aomata ae aki rarauaki ni kanana?’*+
32 Akea te ianena* ae kona n tiku i tinaniku ni kangainaa,+I kauki au mataroa nakon te tia mwamwananga.
33 I a tia ni kataia n rabuni au kairua n aroia mwaane tabeman,+Ni karabai au bure ni buuan au kunnikai?
34 I a tia ni maaku n aia waaki te koraki aika mwaitikurikuri,Ke ni kakamaakaki n aia kakaniko utu tabeua,Bwa N na kainabwabu ao ni maaku iai n otinako?
35 Tera ngke e reke temanna ae e na ongora irou!+
N na korea arau ni kanikinaea ni kaineti ma te baere I taku.*
Ke e kaekaai Teuare Moan te Mwaaka!+
Tera ngke e korei mwin taiani bukibuki n te boki te tia bukinai!
36 N na uotia n aonnangaia,Ao N na nira iai atuu bwa kaanga te baunuea.
37 N na anganna taekani mwanekau nako,N na taetae nakoina ma te aki nanokokoraki, n aron te natinuea te mwaane.
38 Ngkana ngaia bwa e na takarua ni kaitaraai au tano,Ao a na bane n tang tanona aika kamarauaki.
39 Ngkana I a tia ni kang uaana n aki kabooi,+Ke ngkana I a tia ni kabwarai nanoia taani bwaibwai iai,+
40 Ao ke a bwebwerake ibukiu aroka aika kateketeke n oneani mwin te uita,Ao uteute aika boiraa n oneani mwin te baare.”
A a toki ikai ana taeka Iobi.
Taiani Kabwarabwara Mai Nano
^ Ke tao, “ma aomata aika aki bwabwaina te koaua?”
^ Ke, “kariaia bwa a na taewakaaki kanoau.”
^ Ebera, “Ke a katorobubua mwaane tabeman i aona.”
^ Ebera, “kanna (kabwautia) ni kamauna.”
^ Ke, “taewakai.”
^ Ebera, “teirake?”
^ Ebera, “i nanon te biroto.”
^ Ebera, “kamamaarai matan te aine ae e a tia ni mate buuna.”
^ Ebera, “mai biroton tinau.”
^ Ebera, “bebeen teuaei.”
^ Ke tao, “Ngkana I noria bwa iai buokau ni mataroan oon te kaawa.”
^ Ke, “riin anganibaiu.”
^ Ke, “mani nnena; man riina are mai eta.”
^ Ebera, ne’phesh, nora Nanon Taeka.
^ Ebera, “te irikomaiu.”
^ Ke, “te aomata ae maeka bwa te iruwa.”
^ Ke, “Ao aei au tiaaina.”