Iobi 39:1-30
39 “Ko ataa te tai ae a bubung iai kooti ake n te maunga?+
Ko a tia ni matakuakinia taian ria ngkana a bungia natiia?+
2 Ko wareki namwakaina ake a riai ni kakoroi?
Ao ko ataa te tai ae a bung iai?
3 A wene ni baraaki ngkana a bungia natiia,Ao e a toki te ariri ni maraki irouia.
4 A rikirake ni korakora natiia ao a ikawairake n te tawaana,
A nako ao a aki manga okiriia.
5 Antai ae kainaomataa te taongki ae moaanti,+Ao antai ae kabwarai roobu ake kabaean te taongki ae moaanti?
6 I a tia ni karaoa te rereua ae aoraoi bwa mwenganaAo te aba ae tarika bwa nnena ni maeka.
7 E kakanikoa karongoaan te kaawa,Ao e aki ongongo takaruan te tia kammwakuria.
8 E aiwaa i aon tabuki n ukoukora te uteute,Ao ni kakaaei aroka nako aika kiriin.
9 E kan toro iroum te kao mwaane ae moaanti?+
Ao e na tiku ni kangainaa n am tabo ni man?*
10 Ko na taua te kao mwaane ae moaanti n te roobu nakon te tano ae kamarauaki,Ke e na rimwim ni kamaraua* te tabo ae aoraoi?
11 Ko na onimakina korakorana ae bati,Ao ni kariaia bwa e na karaoi am mwakuri aika rawawata?
12 Ko na onimakinna bwa e na uotii n oki am uaa aika taiaki,*Ao e na ikotii nakon te tabo ni kaaki kun ni uita?
13 E karobarobai baina ni kiba te aotireti* ni kimwareirei,Ma a kona baina ma buraena ni kabotauaki ma ake iroun te titaoki?*+
14 Bwa e kitani bunnimoana i aontano,Ao e teimatoa ni kaabuei n te tano,
15 E mwaninga ae e kona te wae ni kamanatuai,Ke e kona n toubekai te man ae moaanti.
16 E iowawa nakoia natina n aron ae kaanga tiaki natina.+
E aki maaka ae e na matebuaka ana bekutata.
17 Bwa te Atua e taua mairouna* te wanawana,Ao e aki anganna tibwangana n te ataibwai.
18 Ma ngkana e teirake ma ni karobarobai baina ni kiba,Ao e ngareakina te aoti ma te tia toka i aona.
19 Ngkoe ae ko angan te aoti korakorana?+
Ko kunnikaia roroana n irana ae matenten?
20 Ko kona ni kaewewea n aron te rokati?
E kakamaaku karongoaani korakoran ikeikeia.+
21 E toutoua te tabo ae aoraoi ma n ewewe n te aro ae korakora,+Ao e biri ni kaea buakon te buaka.+
22 E ngareakina te maaku, ao akea te bwai ae e maakua.+
E aki rairaki n oki ibukin te kabaang.
23 E kekeruaatai nneni kanoan te kainikatebe mai rarikina,Ao e raneanea te kainiwai ma te koro.
24 E kororake ingaingana ao e waekoa ni keerake,*E aki kona n tei n aki kakammwakuri n* tangin te buu.
25 Ngkana e tang te buu ao e taku, ‘Auee!’
E aroka boin te buaka mai kiraroa,Ao e ongongo takaruaia mataniwi ma rongoaan te buaka.+
26 E kibarake te baokan* n am ataibwai,N taakini baina ni kiba nako maiaki?
27 Ke e kibarake te ikare n am taeka+Ao ni katea ngaona n te tabo ae rietata,+
28 Ma ni kangainaa i aon te tabo ae rietata ae katati,Ao ni maeka n ana tabo ni kamanomano ae mena i aon te bwaa ae katati?*
29 E kakaaea kanana mai ikanne,+Ao a nora ae raroanako matana.
30 A temetemeka te raraa natina,Ao ike a mena iai aika tiringaki ao e mena naba iai.”+
Taiani Kabwarabwara Mai Nano
^ Ke, “nneni kanaia maan.”
^ Ke, “kamtea.”
^ Ebera, “koraa.”
^ Nora Nanon Taeka, “Maan.”
^ Nora Nanon Taeka, “Maan.”
^ Ebera, “kamwaningaa neiei.”
^ Ebera, “onga aontano (te tano).”
^ Ke tao, “E aki kakoauaa.”
^ Nora Nanon Taeka, “Maan.”
^ Ebera, “win te bwaa.”
