Iobi 4:1-21
4 E kaeka ngkanne ni kangai Eribati+ are te I-Teman:
2 “Ko na waekoa n un ngkana e kataia temanna n taetae nakoim?
Bwa antai ae kona n taona nanona n aki taetae?
3 E koaua ae ko a tia ni kaetiia aika bati,Ao ko taneiai ni kakorakorai baai aika mamaara.
4 E kateirakea ane e bwaka am taeka,Ao ko kakorakoraia te koraki aika mamaara bubuaniwaeia.
5 Ma e a riki ngkai nakoim, ao ko a taonakinako,*E ringko, ao e nako nanom.
6 Tiaki e anganiko te aki nanokokoraki karinean te Atua iroum?
Ao tiaki e anganiko te kantaninga arom ae eti?+
7 I butiiko ma uringnga: Antai te aomata ae aki bure ae e a tia ni mauna?
N ningai ae e a tia ni kamaunaaki iai te aomata ae raoiroi?
8 I a tia n noria bwa te koraki ake a kamaraua tanon* te bwai ae karuanikai,Ao te koraki ake a unika te kangaanga, a na boni karekei naba baikanne.
9 A mauna n ikeiken te Atua,Ao a roko n tokia n rebwetauan unna.
10 E bekorara te raian, ao e kakarongoa te raian ae ataei,Ma a mwaoto naba wia raian aika korakora.
11 E mate te raian ibukin akeani konana,Ao a a maenako bunin te raian.
12 Ao e uotaki nakoiu te taeka teuana n te aro ni karaba,Ao e roko i taningau maningongoana.
13 Rinanon iango aika aki karauai n te tai are a kaoti iai miitara n te bong,Ngke a a matunako aomata,
14 E roko irou te rurubenebene ae korakora,Ao e kaoni riiu ni kabane n te maakunrang.
15 Iai te bwai* ae rimatau,Ao e uere kuniu.
16 Ao e tei n aki kakammwakuri,Ma I aki kinaa moana.
E mena i matau burana,Ao e bung te ariki, ao I ongo te bwanaa ae kangai:
17 ‘E kona te aomata ae mamate n raoiroi riki nakon te Atua?
E kona n itiaki riki te aomata nakon te tia Karaoia?’
18 Noria! E aki onimakinia ana toro,Ao e kunei naba kairuaia ana anera.*
19 Ai batira riki ngkanne kairua ake e kunei irouia aomata aika maeka n auti aika karaoaki man te bokaboka,Aika kateaki aaia n te tano,+Ae te koraki aika kai kamanatuaaki n aron te koa!*
20 A kamanatuaaki man te ingabong ni karokoa ae bong,A mauna n aki toki, ao akea ae e mutiakinia.
21 Tiaki ai aron te umwanrianna ngaiia ae kanakoaki kain rooana?
A mate n akea wanawanaia.
Taiani Kabwarabwara Mai Nano
^ Ebera, “ko a mamaara.”
^ Ke, “moani waakina.”
^ Nora Nanon Taeka, “Taamnei.”
^ Ke, “taan uataeka.”
^ Nora Nanon Taeka.
