Iobi 6:1-30
6 E kaeka ngkanne Iobi ni kangai:
2 “E bia tauaki raoi rawawatani marakiu,+Ao ni katineaki n te kainikatine n ikotaki ma karawawataau!
3 Bwa e tinebu riki ngkai nakon tanon taari.
Anne bukina ae I taetae iai n te aro ae aki riai.*+
4 Bwa a ewarai kanoan ana kainikatebe Teuare Moan te Mwaaka,Ao I moi n taiani boitin ake iai,+A katei rain n ekainako baika rangi ni kakamaaku mairoun te Atua.
5 E na takarua te taongki ae moaanti+ ngkana iai irouna te uteute,Ke e na karongoa te kao mwaane ngkana iai kanana?
6 E na kanaki te amwarake ae maai ngkana e aki taoronaki,Ke iai kangkangin mainainan te bunnimoa ae tuai ni mwai?
7 I rawa n ringi baikanne.
Bon ai aroni baika kamwara ni kanau baikanne.
8 E bia kaekaaki au bubutiiAo e bia anganai te Atua te baere I tangiria!
9 Ae e na kariaia te Atua bwa e na kamanatuaai,Ao bwa e na arora baina ni katiaa arou!+
10 Bwa N na kabebeteaki iai,Ao N na kibakibarake ni kimwareirei n aki ongea te maraki ae aki totoki,Bwa I aki kakeai ana taeka Teuare Tabu.+
11 Iai korakorau ngkai N na teimatoa n tataninga?+
Ao tera tokiu ae mena imwaiu, ngkai I riai n teimatoa ni maiu?
12 Te koaua bwa titeboo korakorau ma te bwaa?
Ke e karaoaki irikou man te buraati?
13 Iai te anga ae I kona ni buokai iai,Ngkana ai bon akea ae e boutokaai?
14 Ane e taua te tangira ae koaua* mairoun raona n aomata,+Ao e na kakeaa maakakin Teuare Moan te Mwaaka.+
15 A riki tariu bwa taani mwamwanaa te aba+ n aroni karaangan te kamwaitoro,N aron ranin karaangan te kamwaitoro ae a a mwautakataka.
16 A karooaki n te buraoki,Ao e karabaaki i nanoia te tino ae e a ran.
17 Ma n tain te kabuebue ai akea rania, ao a a roko n tokia,Ngkana e a kabuebue ao a a mwautakataka.
18 A bitaki kawaia,Ao a raanga nakon te rereua ao a maunanako.
19 A ukoukori te koraki aika mwananga mai Teema,+Ao a kariariai taani mwamwananga mai Tieba.*+
20 A maamaa ibukina bwa e aki reke te baere a onimakinna,Ao a roko ikekei, ma tii te bwarannano ae reke irouia.
21 Ai bon aromi naba anne nakoiu,+Kam a tia n nora kakamaakun rawawatau ao kam maaku.+
22 I a tia ni kangai, ‘Anganai te bwai teuana,’Ke ni bubutii bwa kam na karaoa te bwaintangira ibukiu mani kaubwaimi?
23 I a tia n tuatua bwa N na kamaiuaki mai nanoni bain te tia kairiribai,Ke N na kamaiuaki* mairouia taani karawawataa te aba?
24 Reireinai ao N na kainabwabu,+Ao buokai bwa N na ataa kairuau.
25 A aki kammaraki taeka aika koaua!+
Ma tera manenani boaakiu iroumi?+
26 Kam boniwia ae kam na tiriburei au taeka,Aika ana taeka te aomata ae kai nanona,+ aika e ukiinako te ang?
27 Kam na karaoa naba te ananga ni katekeraoi ibukin te teei ae a a tia ni mate ana karo,+Ao ni kaboonakoa raoraomi!+
28 Mangaia ae rairaki n taraai ngkai,Bwa N na aki kewe nakoimi.
29 Iangoia riki, ao taiaoka tai bairea taekau n te aro ae aki eti,Eng, iangoia riki, bwa e bon teimatoa raoiroiu.
30 Kam taku bwa I taetae n te aro ae aki raoiroi?
Ke kam taku bwa I aki kona n ataa te kangaanga ngkana I noria?
Taiani Kabwarabwara Mai Nano
^ Ke, “I taetaenikawai iai n aki iango moa, ao n aki akaka.”
^ Ke, “te tangira ae kona n onimakinaki.”
^ Ke, “aia koraki ni mwamwananga I-Tieba.”
^ Ebera, “manga kabooaki.”
