Iona 2:1-10
2 Ao e tataro Iona nakon Iehova ae Atuana mai nanoni biroton te ika,+
2 ao e taku:
“I wetea Iehova mai buakon rawawatau, ao e kaekaai.+
I tang ni kani buokaki mai kabin* te Ruanimate.*+
Ao ko ongo bwanaau.
3 Ngke ko karenakoai nako naano, nako kabini marawa,Ao e taonainako te aira.+
A bane ni bwaroai am nao aika korakora.+
4 Ao I taku, ‘I a tia ni kakioakinako mai matam!
N na kangaa ni manga taraa riki am tembora ae tabu?’
5 A taonainako raan ao a karuanikaia maiuu.*+
E otabwaniniai te ran ae makuakua.
E niniraki atuu n uteuten taari.
6 I a iinako nako kabin taiani maunga.
A a in i aou n aki toki kaini kamatoaani mataroan te aonnaba.
Ma ko kawaerakeai ni kamaiuai mai nanon te mwarua, ngkoe ae Iehova ae Atuau.+
7 Ngke e nangi boni bua maiuu,* ao bon Iehova are I uringnga.+
Ao e rin au tataro nakoim, nako nanon am tembora ae tabu.+
8 Te koraki ake a taromaurii bouannanti aika akea manenaia, a kakeaa bongan nibwan aia tangira ae koaua.*
9 Ma ni kaineti ngkanne ma ngai, N na angakarea nakoim n te bwanaa ni katituaraoi.
N na kakoroa bukin te baere I a tia n taetae ni bau iai.+
Te kakamaiu boni mairoun Iehova.”+
10 Imwina riki ao e tua Iehova nakon te ika, ao e a mumutaa Iona nako aon te aba ae mwau.
Taiani Kabwarabwara Mai Nano
^ Ebera, “biroton.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ebera, ne’phesh, nora Nanon Taeka.
^ Ebera, ne’phesh, nora Nanon Taeka.
^ Ke tao, “aia onimaki ae boto i aon te tangira.”
