Itaia 15:1-9
-
Te taeka n ekaanako Moaba (1-9)
15 E kangai te taeka n ekaanako Moaba:+
E kainabwabuaki Aare+ are i MoabaIbukina bwa e uruakaki n teuana te tairiki.
E kainabwabuaki Kiri+ are i MoabaIbukina bwa e uruakaki n teuana te tairiki.
2 E waerake nakon te Auti* ao nako Ribon,+Nakon taabo aika rietata bwa e na tang iai.
E tanginiwenei Moaba ibukin Nebo+ ao ibukini Meteba.+
A imanaki atu ni kabane,+ ao a koreaki buai ni kabane.+
3 A karini kunnikai aika raerobwa* i nanoni kawaina nako.
A bane n tanginiwenei i aon taubukin aia auti ao ni maraen nako aia kaawa.
A ruo rikaaki ma te tang.+
4 E takarua Etiibon ma Ereare,+Ao e rokoroko i Iaati+ ongoraeani bwanaaia.
Anne bukina ae a tatakarua iai rorobuakani Moaba aika uabwai ni buaka.
A rangi ni maaku nanoia.
5 E tang nanou ibukini Moaba.
A birinako taan tiotionako mai iai ao a rokoroko i Toa+ ao i Ekeratateritiia.+
A tang ngke a waerake ni kawain ararakean Ruita.
A takarua n tang n te kawai nako Oronaim ibukin te karawawata.+
6 E a bwatakataka ranin Nimrim,A a rai uteute aika kiriin,A mauna taian uteute, ao ai akea te bwai ae kiriin n tiku.
7 Anne bukina ae a uotiinako iai nikirani baike a kaikoi ao kaubwaia,A a rinanon te mwarua ae a maiu iai aroka aika taiani bobura.
8 E kabutaa naba aononi Moaba te tang.+
E roko i Ekeraim te tanginiwenei.
E roko i Beraerim te tanginiwenei.
9 Bwa e onrake ranin nako Rimon n te raraa,Ao aei riki te bwai ae I kaikoa ibukin Rimon:
Te raian ibukia kaaini Moaba ake a rabanakoAo ibukia ake a tiku n te aba.+
