Itaia 16:1-14
-
Reitan te taeka n ekaanako Moaba (1-14)
16 Kanakoa te tiibu mwaane temanna nakon te tia tautaeka n te aba,Mai Teeira n rinanon te rereuaNakon ana maunga natin Tion te aine.
2 N aron te mannikiba ae kakioakinako mani ngaona,+Ao ai aroia naba natini Moaba aika aine ni kaoran nako Arenon.+
3 “Aanga te reirei ni kairiri, kakororaoa te moti.
Karaoa nuum n te tawanou bwa ai aron te bong.
Karabaia te koraki aika kamaenakoaki ao tai kamwaneia akana birinako.
4 A bia maeka i nanom au aomata aika kamaenakoaki, ngkoe ae Moaba.
Ko na riki bwa te tabo ni karaba nakoia mairoun te tia kamauna te aba.+
E na roko n tokina te tia karawawataa te aba,E na roko n tokina te kamaunanakoaki,Ao a na mauna man te aonnaba akana toutouia aomata.
5 Ao e na kateimatoaaki te kaintokanuea n te tangira ae koaua.*
E na kakaonimaki teuare tekateka i aona i nanon ana umwanrianna Tawita.+
E na motikitaeka n te aro ae riai ao e na waekoa ni karaoa ae raoiroi.”+
6 Ti a tia n ongo taekan nanorietani Moaba, e rangi ni kamoamoa,+Ma taekani kainikatongana ao nanorietana ao unna ae korakora.+
Ma a na aki koro bukin ana taeka aika akea uaaia.
7 Ngaia are a na tanginiwenei kaaini Moaba ibukini Moaba.
A na bane n tanginiwenei.+
Ao te koraki aika konaaki a na bwaebwaeti ibukin taiani kureebe aika bati aika buabuaaki aika mwau ake i Kiriareteta,+
8 Bwa a rai tawaana ake i Etiibon,+Ma te kai ae te kureebe are i Tibema,+A a tia aia tia tautaeka natannaomata n toutoui mwaangana aika toka urauraia,*A rokoroko i Iatera,+Ao a rakanako nakon te rereua.
A mwangaanga nako mwaangana ao a rokoroko i taari.
9 Anne bukina ae N na tang ibukin te kai ae te kureebe are i Tibema n arou ngke I tang ibukin Iatera.
N na kamaratingoingkami n rannimatau, ngkami aika Etiibon ma Ereare,+Ibukina bwa e a toki te takakaa ibukin ami uaanikai aika reke n tain te kabuebue ao ibukin ami mwakuri n tai.*
10 E uotakinako te kakatonga ma te kimwareirei man te tabo are a unikaki iai kainnamwarake,Ao akea taian anene ni kimwareirei ke te takakaa ni nne ni kureebe.+
E a aki manga karekea te wain n te nne ni kamanti kureebe te tia toutoua te kureebe,Bwa I a tia ni katoka te takakaa.+
11 Anne bukina ae e ruru iai kabin nanou ibukini Moaba+N ai aroni karain te abi,Ao birotou ibukini Kiriareteta.+
12 E ngae naba ngkana e kakuaa Moaba i bon irouna i aon te tabo ae rietata ma n nako n tataro n ana tabo ae tabu, ma e na bon akea te bwai ae e na reke irouna.+
13 Anne te taeka are e a kaman taekinna Iehova ibukini Moaba.
14 Ao e a kangai ngkai Iehova: “I nanon ririki aika tenua, ae ai aron ana ririki te tia mwakuri ae kabooaki ana mwakuri,* ao e na kamaamaeaki tamaroani Moaba n te kiriwe ae bati n aekana nako, ao a na rangi ni karako ma ni mangori te koraki ake a tiku.”+
Taiani Kabwarabwara Mai Nano
^ Ke, “te tangira ae kona n onimakinaki.”
^ Ke, “mwaangana aika tinerua iai kureebe aika uraura.”
^ Ke tao, “Ibukina bwa e a ruo rikaaki rongoaan te buaka nako aon ami uaanikai aika reke n tain te kabuebue ao nako aon ami mwakuri n tai.”
^ Ke, “e na karauaki ni warekaki n aron ae e karaoia te tia mwakuri ae kabooaki ana mwakuri,” ae taekan i nanon tenua raoi te ririki.
