Itaia 26:1-21
26 N te bong anne ao e na aneneaki te kuna+ ae kangai n te aba ae Iuta:+
“Iai ara kaawa ae korakora.+
E karaoa te kakamaiu bwa oona ma nonona.+
2 Kauki mataroan te oo,+ bwa e aonga n rin te natannaomata ae raoiroi,Ae te natannaomata ae kateimatoa te aroaro ae kakaonimaki.
3 Ko na kawakinia te koraki aika mwiokoiia ni koaua iroum,*Ko na angania te rau ae teimatoa,+Ibukina bwa a onimakiniko.+
4 Onimakina Iehova n aki toki,+Bwa Iah* ae Iehova bon te Bwaa ae akea tokina.+
5 Bwa e karinanoia te koraki ake a maeka n te tabo ae rietata, ae te kaawa ae karietataaki.
E kabwakaa,E kabwakaa nako aontano.
E karenakoa nakoni bubun te tano.
6 E na toutouaki n te wae,
Aika waeia akana karawawataaki, ao mwanekaia akana mangori.”
7 E raoiroi* kawain ane e raoiroi.
Ko na kaboraoa kawain ane e raoiroiIbukina bwa ko raoiroi.
8 Iehova, a boto ara kantaninga i aomNgkai ti toua kawain am motikitaeka.
Ti* tangira aram ao kanuringam.*
9 I* kakariariako n te tairiki,Eng e teimatoa nanou n ukoukoriko.+
Bwa ngkana ko motika taekan te aonnaba,Ao a reiakina te raoiroi kaain te aba.+
10 E ngae ngkana e akoaki te aomata ae buakaka,Ma e na bon aki reiakina te raoiroi.+
E na karaoa naba ae buakaka n te aba ae a bwabwaina te eti kaaina,+Ao e na aki nora mimitongin Iehova.+
11 E tei baim ngkoe ae Iehova, ma a aki noria.+
A na nora ingaingan nanom ibukia am aomata ao a na kamaamaeaki.
Eng, a na bue taani kakaaitarako n am ai.
12 Iehova, ko na bon anganira te rau,+Ibukina bwa boni ngkoe ae ko anganira te korakoraNi bwaai ni kabane aika ti karaoi.
13 Iehova ae Atuara, a a tia tooka riki tabeman i rarikim n tautaeka i aora,+Ma tii aram ae ti tataekinna.+
14 A a mate, a na aki maiu.
Ai akea korakoraia n te mate, a na aki manga teirake.+
Bwa ko rairaki nakoiaBwa ko na kamaunaia ao ni kamaunai atongaia ni kabane.
15 Ko kabatiaia riki kaain te natannaomata, ngkoe ae Iehova,Ko kabatiaia riki kaain te natannaomata,Ko kamimitongko.+
Ko karaababai tian nako te aba n te aro ae riao.+
16 Iehova, a rairaki nakoim n tain te rawawata,A bunrii nanoia nakoim n aia wirikiriki n tataro ngke ko reireinia ni kaetiia.+
17 N aron te aine ae bikoukou ae e nangi bungAe ariri ao n tang i buakoni marakina,Ao ai arora naba ibukim ngkoe ae Iehova.
18 Ti a bikoukou, ti a ariri ni maraki,Ma ai aron ae ti bungia te ang.
Ti aki uota te kamaiuaki nakon te aba aei,Ao akea ae e bungiaki bwa e na kaaina te aba aei.
19 “A na maiu am mate.
A na teirake rabwataia au mate.*+
Kam na uti ao takarua ni kimwareirei,Ngkami aika taani maeka n te tano!+
Bwa ami aoi ai aron aoin te moaningabong,Ao te tano e na kaotinakoia nakon te maiu* te koraki aika akea korakoraia bwa a mate.
20 Naako au aomata, riin n ami ruu ake kam na mano iai,Ao kaini ami mataroa imwimi.+
Karabaingkami i nanon te tai ae kimototoNi karokoa bunginakon te un.+
21 Bwa noria! E a roko Iehova man ana tabo,Bwa e na kaetii taekaia kaain te aba ibukin aia bure,Ao te aba e na kaotaraea te katuturaraa are irounaAo e na aki manga rabunia ana aomata aika kamateaki.”
Taiani Kabwarabwara Mai Nano
^ Ke tao, “te koraki ake a aki kaingingaki nanoia.”
^ “Iah” boni kauarerekean te ara ae Iehova.
^ Ke, “aoraoi.”
^ Ebera, ne’phesh, nora Nanon Taeka.
^ Ae taekan ae e na ururingaki ma ni kaotiotaki te Atua ma arana.
^ Ebera, ne’phesh, nora Nanon Taeka.
^ Ebera, “rabwataia au aomata aika a tia ni mate.”
^ Ke, “e na bungia te koraki aika akea korakoraia bwa a mate.”
