Itaia 27:1-13
27 N te bong anne ao Iehova e na katuuaaea te Ribaietan* ae te naeta ae birimwaaka,N ana kabaang ae matoatoa ma n abwabwaki ao ni korakora,+Te Ribaietan ae te naeta ae minominotaki,Ao e na kamatea te man ane totoa anne ae mena i taari.
2 N te bong anne, anene nakon neiei* ni kangai:
“Te nne ni kureebe ae karekea te wain ae buroburo!+
3 I kawakina neiei ngai ae Iehova.+
I tebokia ni katoatai.+
I kawakinna ni ngaina ao ni bongBwa e aonga n akea ae e urua.+
4 Akea te un irou.+
Antai ae e na kaitaraai ma aroka aika kateketeke ao uteute n tain te buaka?
N na toutoui ao ni kabueki ni kabane n te ai.
5 Ma ke e taua au nono ni kamatoaa.
Ke e karekea te raoi ma ngai,Ke e karekea te raoi teuaei ma ngai.”
6 Ni boong aika a na roko, ao e na karibua wakaana Iakoba,Ao e na uee Iteraera ma ni bwebwerake,+Ao a na kaona te aba n te uaa.+
7 Te koaua bwa e na oreaki teuaei n ana oro te aomata are e oreaki irouna?
Ke e na tiringaki teuaei n tiringan te aomata are e kamateaki irouna?
8 Ko na kauntaeka ma neiei ma te tang ni maaku ngkana ko kanakoa.
Ao teuaei e na kakionakoa neiei n ana oro ae korakora ni bongin te angimainiku.+
9 Mangaia ae e na karaoaki karekeani kabwaraan ana bure Iakoba n te aro aei,+Ao e na riki te baei bwa te uaa ae tabwanin ngkana e a uotakinako ana bure.
E na karaoi atibun nako te baonikareaBwa ai aron atibu aika mmwammwa aika a a tia n ibeibeaki,Ao akea kaai aika tabu* ke baonikareani baika boiarara aika a na tiku.+
10 Bwa e na kitanaki te kaawa ae nonoaki,Ao a na kaakaki taekan taian tawaana ma ni kitanaki n aron te rereua.+
E na amwarake ikanne te kao te teei ao e na wene,Ao e na kang mwaangan neiei.+
11 Ngkana a a mwautakataka mwaangan neiei,Ao a na roko aine ao n otei,Ao ni kabonganai bwa kanaan te ai.
Bwa akea aia ataibwai aomata aikai.+
Anne bukina ae a na aki nanoangaaki iai iroun te tia Karikiia,Ao e na aki akoiia Teuare karaoiia.+
12 N te bong anne ao Iehova e na ororei taian uaa ni moa man te Karaanga* ae raanga, ni karokoa Mwaruan Aikubita,+ ao ngkami aika tibun Iteraera kam na rikorikoaki temanna imwin temanna.+
13 N te bong anne ao e na katangaki te buu ae karongoa,+ ao a na roko te koraki ake a nangi maunanako n te aba ae Aturia+ ma te koraki ake a kamaenakoaki n te aba ae Aikubita,+ ao a na bobaraaki nakon Iehova n te maunga ae tabu i Ierutarem.+
Taiani Kabwarabwara Mai Nano
^ Nora Nanon Taeka.
^ N taraana e kaineti nakon aban Iteraera, ae kataamneiaki ikai bwa te aine ao e kabotauaki ma te nne ni kureebe.
^ Nora Nanon Taeka.
^ Ae taekan te Iuberetiti.
