Itaia 32:1-20
32 Noria! E na tautaeka te uea+ ibukin te raoiroi,+Ao a na kairiri tooka ibukin te kaetitaeka ae riai.
2 Ao e na riki temanna ma temanna bwa kaanga ai aron te tabo ni katantan man te ang,Ao te tabo ni kamanomano man te karau ae korakora,Kaanga ai aroni karaanga n ran n te aba ae akea te ran iai,+Kaanga ai aron nuun te bwaa ae totoakaei n te aba ae mwauteretere.
3 Ao a nang aki manga kainaki mataia te koraki aika noraabaAo a na kakauongo taningaia te koraki aika ongo.
4 Ao te koraki aika tiotionako aia iango a na manga iaiangoa raoi te atatai,Ao te baennewe e na rabakau n taetae ao e na mataata ana taetae.+
5 E na aki manga atongaki ane e nanobaba bwa e tituaraoi,Ao e na aki atongaki te aomata ae aki maiuakini booto n reirei bwa e raoiroi.
6 Bwa e na taekini baika akea nanoia ane e nanobaba,Ao e na karioi baika karuanikai nanon teuaei,+Bwa e na kaungaa te tannako man te koaua* ao e na taekina te bwai ae kewe n ekaanako Iehova,Bwa e na kanakoa ane e bora ni baki n aki kaamwarakea,Ao e na taua te moi mairoun ane e bora n taka.
7 A bubuaka bwaai ake e karioi te aomata ae aki maiuakini booto n reirei.+
E kauekea te aroaro ae kanukaBwa e na uruania iai akana karawawataaki n ana kewe,+E ngae ngkana e taekina te bwai ae eti ane e maiu ni kainnano.
8 Ma e tituaraoi nanon te aomata ae tituaraoiAo e teimatoa ni bwaina te tituaraoi.*
9 “Teirake ao ongora ni bwanaau ngkami aine aika kam aki muti!
Kakauongo n te bwai ae I taekinna, ngkami naati aine+ aika akea tabeaiangami!
10 Kam na ruru ibukin teuana tabun te ririki ngkami aika akea tabeaiangami,Ibukina bwa e na akea te uaa ae e na ikotaki ngkana e a toki taiakin te kureebe.+
11 Kam na rurubenebene ngkami aine aika kam aki muti!
Kam na ruru, ngkami aika akea tabeaiangami!
Kam na buutii karabaami,Ao kaaki te raerobwa* i aoni bebeemi.+
12 Ororei bwanibwanimi ni bwaebwaetiIbukin te bwai ae riki nakon taian tawaana aika tangiraki ao te kai ae te kureebe ae karikiuaa.
13 Bwa e na buta aia tano au aomata n aroka aika kateketeke ma kaai aika kateketeke,A na rabuninako auti ni kimwareirei ni kabane,Eng, ae te kaawa ae kakatonga.+
14 Bwa e a kitanaki te taua ae nonoaki,E a aki maekanaki te kaawa ae karongoa.+
E a riki Oobera+ ma te taua n tantani bwa te aba ae aki kona ni maekanaki n aki toki,Ae te bwai ni kakimwareirei irouia taongki aika moaanti,Ao te tawaana ibukia taian nanai,+
15 Ni karokoa ae e a kabwaroaki i aora te taamnei mai eta,+Ao e a riki te rereua bwa te tabo ae a unikaki iai kainnamwarake,Ao e a iangoaki te tabo ae a unikaki iai kainnamwarake bwa te buakonikai.+
16 Ao e na maeka te kaetitaeka ae riai n te rereua,Ao e na maeka te raoiroi n te tabo ae a unikaki iai kainnamwarake.+
17 Bon te rau mwin te raoiroi ni koaua,+Ao uaan te raoiroi ni koaua bon te rau ma te mweraoi ae teimatoa.+
18 A na maeka au aomata n te tabo ni maeka ae rau,N taabo ni maeka aika mweraoi ao n taabo ni motirawa aika rau.+
19 Ma e na kabwakaaki te buakonikai n te karau ae te aiti,Ao e na rangi ni karinanoaki te kaawa.
20 Kam a kukurei ngkami aika kam uniki koraa i rarikin raan ni kabane,Aika kam kanakoa* te kao mwaane ao te taongki.”+
Taiani Kabwarabwara Mai Nano
^ Ke, “karaoa te waaki ae aki riai.”
^ Ke, “te raoiroi ae rangi ni bati.”
^ Nora Nanon Taeka.
^ Ke, “kabwaraa.”
