Itaia 48:1-22
48 Ongora n aei, ngkami aika tibun Iakoba,Aika kam ingoaningkami n aran Iteraera,+Aika kam nako man ana ran* Iuta,Aika kam taetae n tuea n aran Iehova,+Ao kam wetea Atuan Iteraera,Ma tiaki n te koaua ao n te raoiroi.+
2 Bwa a ingoania n te kaawa ae tabu+Ao a ukoukora ana boutoka Atuan Iteraera,+Ae arana Iehova ae Atuaia taanga ni buaka.*
3 “I a kaman tuangingkami ngkoa baike rimoa.*
A otinako mai wiu,Ao I kaotii.+
I rina ni karaoa te mwakuri ao a a riki.+
4 Ibukina ngkai I ataa imanonomi,Bwa roroami bon te tenton* ae te biti ao ramwami bon te buraati.+
5 I tuangingkami ngkoa bwaai ni kabane.
I kaongoingkami imwain ae e riki bwa kam aonga n aki kangai,‘E karaoa aei ara bouannanti.
E tua te baei ara bouannanti ae kaaraki ma ara bouannanti ae te biti.’*
6 Kam a tia n ongo ao n nori baikai ni kabane.
Kam na aki tataekinna?+
Ni moa mangkai ao I a katanoatai baika boou nakoimi,+Aika baika raba aika kawakinaki aika kam aki atai.
7 A a tibwa karikaki ngkai ao tiaki mangkoangkoa,Aika baika kam tuai man ongongo taekaia imwain te bong aei,Bwa kam aonga n aki kangai, ‘Noria! Ti a kaman atai baikanne.’
8 Tiaki ngaia anne, kam tuai n ongo+ ao kam tuai n ataia,Ao a kainaki taningami n taai ake rimoa.
Bwa I ataia ae kam rangi ni mwamwanaa te aba,+Ao kam aranaki bwa taani bure mangke kam bungiaki.+
9 Ma N na tautaua uniu ibukin arau.+
N na taotaona nanou nakoimi ibukini karaoiroau,Ao N na aki katiai aromi.+
10 Noria! I a tia ni kaitiakingkami, ma tiaki n aron te tirewa.+
I a tia ni kataingkami* ni nnen te ai ae te rawawata.+
11 N na mwakuri ibukin arau,+Bwa N na kangaa ni kariaia bwa N na kamatauningaaki?+
I aki anga neboakiu nakon temanna.*
12 Ongora irou ngkoe ae Iakoba ao Iteraera ae I weteia.
Boni ngai Teuare aki bibitaki.+ Boni ngai te moan ao boni ngai naba te kabane.+
13 Boni baiu ae kawenea aan te aonnaba,+Ao baiu ae te atai ae taakina karawa.+
Ngkana I weteiia ao a uaia n teirake.
14 Ikotiingkami, ngkami ni kabane ao ongora.
Antai i buakoia ae e katanoatai baikai?
E tangiraki teuaei iroun Iehova.+
E na kakororaoa te bwai ae e rangi ni kimwareirei iai n ekaanako Baburon,+Ao baina e na ekiianako I-Kareria.+
15 Boni ngai ae I taekinna ao I weteia.+
I kairia ao e na nakoraoi kawaina.+
16 Nakomai kaaniai ao ongora n aei.
I aki taetae n te aro ae raba man te moantai.+
I mena ikekei ngke e moan riki te baei.”
Ao te Uea ae Moan te Rietata ae Iehova e a kanakoai ngkai ma* taamneina.
17 E kangai ana taeka Iehova, ae te tia Manga Kabooko, ae Teuare Tabu iroun Iteraera:+
“Bon Iehova ngai ae Atuam,Are Teuare reireiniko bwa ko aonga ni kabwaia,+Are Teuare kaiririko n te kawai ae ko riai n nakonako iai.+
18 Ko bia kaman irii nanon au tua!+
Ao e na riki raun nanom n ai aron te karaanga+Ao am raoiroi n ai aron naoni marawa.+
19 A na bati kanoam* n ai aron te tanoAo am kariki n ai aron te tano.+
E na aki maunanako araia ke ni kamaunaaki mai matau.”
20 Otinako mai Baburon!+
Birinako mairouia I-Kareria!
Katanoataa ma te tang ni kimwareirei! Tataekinna!+
Kaotia nako tabon nako aonnaba.+
Kangai: “E a tia Iehova ni manga kabooa ana toro ae Iakoba.+
21 A aki bora n taka ngke e kamwanangaia i nanon taabo aika uruaki.+
E katiinakoa te ran man te bwaa ibukia.
E katabwenaa te bwaa ao e karaangaa te ran.”+
22 “Akea te rau,” bon ana taeka Iehova, “irouia akana buakaka.”+
Taiani Kabwarabwara Mai Nano
^ Ke tao, “Aika kam otinako mairoun.”
^ Ke, “Tabaota.” Nora Nanon Taeka.
^ Ebera, “moani bwaai.”
^ Kaanga te iaia ae matenten, ma e mainaina ma ni matoatoa ao e tomaa te mwatireti ma te ri.
^ Ke, “te bouannanti ae kaburoaki n atoaki.”
^ Ke, “tuoingkami.” Ke tao, “rineingkami.”
^ Ke, “I aki ibuobuoka neboakiu ma temanna riki.”
^ Ke, “n ikotaki ma.”
^ Ebera, “am kariki.”
