Mika 2:1-13
2 “A na reke kaia te koraki aika bairea te bwai ae karuanikai,Ake a bairea karaoan te bwai ae buakaka i aoni nneia ni wene!
Ngke e a tabwena mainiku ao a a karaoia naba,Ibukina bwa a kona baia ni karaoia.+
2 A mataaiakin tawaana ao a taui,+Ma taian auti naba, ao a anai.
A babakanikawaia ana auti te aomata+Ao a anaa tibwangana.
3 Mangaia ae e kangai ana taeka Iehova:
‘Akea bwa I a bairea te kabuanibwai n ekaanako te utu aei,+ ae kam na aki birinako* mai iai.+
Ane kam na aki manga nakonako ni kainikatonga,+ bwa ai tain te kabuanibwai.+
4 N te bong anne ao ane a na taekina te kario ni kaineti ma ngkami aomata,Ao ane a na bwaebwaeti ni korakai ibukimi.+
Ane a na kangai: “Ti a katukaki n akea ara bwai!+
E a anga tibwangaia au aomata nakoia tabemwaang, e a boni kanakoa mairou!+
E a anga ara tawaana nakon te aomata ae aki kakaonimaki.”
5 Mangaia ae e na akea temanna mairoum ae e na katika te kora ni baireN tibwatibwaa te aba nakon ana botaki n aomata Iehova.
6 A tataekina ae kangai, “Katoka te uarongorongo.
A aki riai n tataekini baikai.
E na aki taoniranako te bwaibwainrang!”
7 E taekinaki ae kangai ngkami aika tibun Iakoba:
“Te koaua bwa e a aki taotaona nanona taamnein Iehova?
Bon ana mwakuri baikai?”
Ao tiaki bon au taeka aika karokoa te bwai ae raoiroi nakoia aomata aika nakonako ma te raoiroi?
8 Ma a a tia au aomata n teirake bwa taani kairiribai n taai aika tibwa nako aikai.
Kam buuta te bwai ni katamaroa ae tamaroa ma* te kunnikai,Mairouia akana rirarikimi n akea aia nanokokoraki, kaanga ai aroia te koraki aika oki man te buaka.
9 Kam kakioianako aine ake i buakoia au aomata man aia auti aika kakukurei,Ao kam anaa tamaroau mairouia natiia n aki toki.
10 Teirake ao naako, bwa tiaki te tabo ni motirawa aei.
Bon iai te kamaunanakoaki ae te kamaunanakoaki ae karawawata,+ ibukin te kamwara.+
11 Ngkana e nakonako te aomata n rimwin te ang ao te mwamwanaa te aba ao n taekina te kewe ae kangai:
“N na uarongorongoa nakoim taekan te wain ma te moi ae kamanging,”Ao e na riki te aomata anne bwa tii te tia uarongorongo ibukin te natannaomata aei!+
12 N na bon ikotiingkami ni kabane ngkami aika tibun Iakoba,N na bon rikoia nikiraia tibun Iteraera n ikotiia.+
N na katikuia ma te katiteuanaaki, n aroia tiibu i nanon ooia,N aron te nanai ae mena n ana tawaana n uteute,+Ao ane e na karongoa ikanne irouia aomata.’+
13 E na mwananga n rimoaia te aomata are urua te oo n otinako.
A na mwananga naba iai n rinanoni mataroan te oo ma n otinako mai iai.+
E na mwananga aia uea n rimoaia,Ao e rimoaia Iehova ni kairiia.”+