Mika 3:1-12
3 Ao I taku: “Taiaoka ma ongora ngkami aika aia tia kairiri tibun Iakoba,Ao ngkami aika aia mataniwi tibun Iteraera.+
Tiaki kam bon riai n ataa te bwai ae riai?
2 Ma kam ribaa te raoiroi+ ao kam tangira te buakaka,+Kam kuoti kunia au aomata ao irikoia man riia.+
3 Kam kang naba irikoia au aomata+Ao ni kuoti kuniaMa n ototei riia ao ni kamanatuai ni kamwaotorikirikii,+N aron te bwai ae kamwaaki n te bwaata,* n aron te irikomaiu ae mena n te bwaata ni kuuka.
4 N te tai anne ao ane a na wetea Iehova ibukini buokaia,Ma e na aki kaekaia.
E na karabaa matana mairouia n te tai anne,+Ibukin aia mwakuri aika bubuaka.+
5 E kangai ana taeka Iehova n ekiianako burabeti ake a kairiia au aomata bwa a na rairakinako,+Ake a tataekina ae ‘Iai te rau!’+ ngkana a tenatena* ni wia,+Ma a katanoataa* te buaka n ekaanako ane e aki angani wia te bwai teuana:
6 ‘E na mena iroumi te bong+ ao e na akea te miitara.+
Ao te rotongitong bon ibukimi ao kam nang aki manga kaiwa.
E na bung taai i aoia burabeti,Ao e na roo te ngaina ibukia.+
7 A na kamaamaeaki taan nori miitara,+Ao a na bwara nanoia taani kaiwa.
A na bane n rabuni wia,*
Bwa akea te kaeka mairoun te Atua.’”
8 Ma I kaonaki ngai n te mwaaka rinanon taamnein Iehova,Ao n te kaetitaeka ae riai ma te korakora,Bwa N na tuanga Iakoba ana karitei, ao Iteraera ana bure.
9 Taiaoka ma ongora n aei ngkami aika aia tia kairiri tibun IakobaAo ngkami aika aia mataniwi tibun Iteraera,+Aika a riribaa te kaetitaeka ae riai ao a kabwaouai bwaai ni kabane aika eti,+
10 Aika a katea Tion ma te katuturaraa ao Ierutarem ma te buakaka.+
11 A momotikitaeka ana tia kairiri* neiei ibukin te bwai ni kamaraato,+Ao a angareirei ana ibonga* ibukini booia,+Ao ana burabeti a kakaiwa ibukin te mwane.*+
Ma a onimakina Iehova* ao a kangai:
“Tiaki e boni mena iroura Iehova?+
Akea te kabuanibwai ae e na roko i aora.”+
12 Mangaia ae ibukimiAo e na kamarauaki Tion n aron te tawaana,Ao e na riki Ierutarem bwa te kaawa ae urubekebeke,+Ao e na riki maungan te Auti* bwa kaanga taabo aika rietata n te buakonikai.+
Taiani Kabwarabwara Mai Nano
^ Ke, “te bwaata ni kuuka ae tangainanako matana.”
^ Ke tao, “ngkana iai te bwai ae a kangkantia.”
^ Ebera, “katabua.”
^ Ke, “buaia ake i aon riaia are mai eta.”
^ Ke, “a taku bwa a onimakina Iehova.”
^ Ke, “te tirewa.”
^ Nora Nanon Taeka.
^ Ebera, “mataniwi.”
^ Ke, “maungan te tembora.”
