Nakoaia Ibonga 12:1-8
-
Te kaitiaki imwin te bung (1-8)
12 E reitia ni kangai Iehova nakoni Mote:
2 “Tuangia tibun Iteraera ni kangai, ‘Ngkana e bikoukou te aine ao e bungia natina te mwaane, e na kamwara i nanon itibong n ai arona n aki itiaki ngkana e aoraki n aine.+
3 E na korotobibiaki te teei n te kawanibong.+
4 E na tiku ni mwengana neiei ni kaitiakia man raraana i nanon 33 te bong. E aki riai n ringa te bwai teuana ae tabu, ao e aki riai n rin n te tabo ae tabu ni karokoa koroni bongini kaitiakana.
5 “‘Ngkana e bungia natina ae te aine, e na kamwara i nanon 14 te bong n ai arona n ana tai n aoraki n aine. E na tiku ni mwengana ni kaitiakia man raraana i nanon 66 te bong.
6 Ngkana a koro ana bong ni kaitiakia ibukin natina te mwaane ke te aine, e na uota te tiibutetei ae te mwaane ae tuai n ririki ibukin te karea ni kabuekaki,+ ao te bitin ae ataei ke te taobe ibukin te karea ni kabwarabure, nako rarikini mataroan te umwa ni botaki nakon te ibonga.*
7 E na anga te ibonga i matan Iehova ao e na karaoia ibukini karekeani kabwaraan ana bure neiei, ao e na itiaki mani waanakon raraana. Aio te tua ibukin te aine ae bungia natina te mwaane ke te aine.
8 Ma ngkana e aki tau ana bwai ibukini kabooan te tiibu, e riai ngkanne n anai taobe aika uoman ke bitin aika uoman aika ataei,+ temanna ibukin te karea ni kabuekaki ao are temanna ibukin te karea ni kabwarabure, ao e na karaoia te ibonga ibukini karekeani kabwaraan ana bure neiei, ao e na itiaki.’”
Taiani Kabwarabwara Mai Nano
^ Nora Nanon Taeka.
