Obaria 1:1-21
1 Ana miitara Obaria:*
E kangai ana taeka te Uea ae Moan te Rietata ae Iehova ni kaineti ma Etom:+
“Ti a tia n ongo te rongorongo mairoun Iehova,E a tia ni kanakoaki te tia tei nako buakoia natannaomata ao e kangai:
‘Teirake, ti na katauraoi nakon te buaka n ekaanako neiei.’”+
2 “Noria! I kamangoriko i buakoia natannaomata,Ko bon ribaaki.+
3 E mwamwanaiko ana kan rarabakau nanom,+Ngkoe ae ko maeka n tabwenan te bwaa,Ko maeka n te tabo ae rietata, ao ko taku i nanom,‘Antai ae kona ni karuoai nako aontano?’
4 E ngae ngkana ko karietaa* am tabo ni maeka n aron te ikare,Ke ko kaaki ngaom i buakon itoi,Ma N na boni karuoko mai ikanne,” bon ana taeka Iehova.
5 “Ngkana a roko iroum taan iraa, ao taani kamwarua n te bong,(Ko a kamaunaaki kangaa!)*
Tiaki a na bon tii iraea ae a tangiria?
Ke ngkana bon taan ikotii kureebe aika a na roko iroum,Tiaki a na katikui tabeua bwa bwaai ni karemrem?+
6 A a ukoukoraki kangaa kanoan Etau!
A a kuribwaiaki kangaa aia bwai aika kakawaki aika karabaaki!
7 A kairiko nakon te tia.
A bane ni mwamwanaiko raoraom.*
A tokanikai i aom mwaane ake a raoi ma ngkoe.
A na kaaki te karaun i aam te koraki ake a kang kariki ma ngkoe,Ma ko na bon aki ataia.
8 N te bong anne,” bon ana taeka Iehova,“Ao tiaki N na kamaunaia te koraki aika wanawana mai Etom,+Ao te koraki aika ataibwai man ana aono Etau ae maungaunga?
9 Ao a na maakunrang am tia buaka+ ngkoe ae Teman,+Ibukina bwa a na kamaunaaki ni kamateaki aomata n tatabemania nako ake n ana aono Etau ae maungaunga.+
10 E na rabuniko te kamaamaeaki+Ibukin te iowawa are e karaoaki nakon tarim are Iakoba,+Ao ko na mauna n aki toki.+
11 N te bong are ko tii teitei iai ni mataku,N te bong are e kairakinako iai ana taanga ni buaka teuaei irouia ianena bwa taenikai,+Ngke a rin iabatera ni mataroan ana oo ao ni karaoa te ananga ni katekeraoi+ ibukin Ierutarem,Ao ko riki naba ngkoe bwa kaanga ai aroia.
12 Ko aki riai ni kakatonga ibukin ana bong tarim, are ana bongi n tekebuaka,+Ko aki riai ni kimwareirei ibukia kaain Iuta n aia bong ni kamateaki,+Ao ko aki riai n taetae n rangi ni kamoamoa n aia bongi n rawawata.
13 Ko aki riai n rin ni mataroan aia oo au aomata n aia bong ni kabuanibwai.+
Ko aki riai ni kakatonga ibukin rawawatana n ana bong ni kabuanibwai,Ao ko aki riai ni kaaki baim i aoni kaubwaina n ana bong ni kabuanibwai.+
14 Ko aki riai n tei i tutani kawai bwa ko na kamateia ana aomata ake a reke birinakoia,+Ao ko aki riai n anganako ana aomata ake a reke maiuia ni bongin te rawawata.+
15 Bwa e a kaan ana bong Iehova n ekiianako natannaomata ni kabane.+
E na karaoaki nakoim aron are ko a tia ni karaoia.+
E na manga oki nako aon atum arom are ko karaoia nakoia tabemwaang.
16 Bwa a na teimatoa natannaomata ni kabane ni moi+N arom ni moi i aon au maunga ae tabu.
A na moi ao a na ongnga,Ao a na riki bwa kaanga ai aron ae bon akea ngaiia.
17 Ma a na boni mena i aon te Maunga ae Tion te koraki ake a reke maiuia,+Ao e na tabu,+Ao tibun Iakoba a na bwaini bwaai ake bon aia bwai.+
18 A na riki tibun Iakoba bwa te ai,Ao tibun Ioteba bwa te ura,Ao tibun Etau bwa te uteute ae mwau.
A na kaurarakei ao ni kabueki,Ao e na bon akea tibun Etau+ ae e na reke maiuna,Bwa bon Iehova ae taekinna.
19 A na abana te Nekebo* ao ana aono Etau+ ae maungaunga,Ao te Tiebira* ao abaia I-Biritia.+
A na bwaina ana tawaana Eberaim ao tawaanan Tamaria,+Ao Beniamin e na abana Kireata.
20 Ao taenikain te tano ae katabukaki* aei+Ae taekaia tibun Iteraera, a na bwaina abaia tibuni Kanaan ni karokoa Tarebata.+
Ao taenikain Ierutarem ake a mena i Tebarata, a na abani kaawan te Nekebo.+
21 Ao a na waerake taani kamaiu nako aon te Maunga ae Tion,Bwa a na motika taekan ana aono ae maungaunga Etau,+Ao e na bwaina te nakoa n uea Iehova.”+
Taiani Kabwarabwara Mai Nano
^ Ae nanona, “Ana Toro Iehova.”
^ Ke tao, “ko kiba i eta.”
^ Ke tao, “Mwaitira ae a na kamauna?”
^ Ke, “te koraki aika boraraoi ma ngkoe.”
^ Ke, “te aba ae rinano.”
^ Ke, “Maiaki,” ae taekani maiakin te Aba ni Berita.
^ Ke, “te nono.”