Otea 14:1-9
14 “Ko na oki ngkoe ae Iteraera nakon Iehova ae Atuam,+Bwa ko bwaka ibukin am bure.
2 Ko na oki nakon Iehova ma taeka aikai,Ao kangai nakoina, ‘Ko bia kabwarai ara bure+ ao butimwaea te bwai ae raoiroi mairoura,Ao ti na anga te karaoiroi ae nako mai wira,+ n arora n anga kaao mwaane aika ataei.*
3 E na aki kamaiuira Aturia,+Ao ti na aki toka i aoia aoti,+Ao ti nang aki manga kangai, “Atuara!” nakon aia mwakuri baira,Bwa boni mairoum ae e nanoangaaki iai te teei ae akea tamana.’+
4 N na kamarurungia man aroia n aki kakaonimaki,+Ao N na tangiriia i aan inaomatau ni kan tangiriia,+Ibukina bwa e a rairakinako uniu mairouna.+
5 N na riki n ai aron te aoi nakon Iteraera.
E na uee n ai aron te kiebu,Ao ni karibui wakaana n ai aron aroka ake i Rebanon.
6 A na mwangaanga mwaangana,Ao tamaroana ai aron tamaroan te kai ae te oriwa,Ao boiararana ai aroni boiararan Rebanon.
7 A na manga maeka i aan nuuna,Ao a na uniki uita* ao a na bwebwe n aron te kai ae te kureebe.+
Kakannatona* ai aroni wainin Rebanon.
8 Ane e na kangai Eberaim, ‘Tera riki irekerekeu ma bouannanti?’+
N na kaeka ao ni matakuakinna.+
N na riki bwa ai aron te kai ae te mwaiango ae maiureirei.
A na reke uaam mairou.”
9 Antai ae wanawana? Ke e ota ni baikai.
Antai ae ataibwai? Ke e atai baikai.
Bwa a eti kawain Iehova,+Ao a na nakonako iai akana raoiroi,Ma a na bwaka iai taani bure.
Taiani Kabwarabwara Mai Nano
^ Ebera, “ti na anga taiani karea aika kaao mwaane aika ataei aika nako mai wira.”
^ Ke, e kona n nanona, “te baare.”
^ Ebera, “Kanuringana.”
