Otea 8:1-14
8 “Kaaki te buu ae te koro i wim!+
E roko temanna ae kaanga ai aron te ikare n ekiianako ana aomata* Iehova,+Bwa a urua au berita+ ao a bure n ekaanako au tua.+
2 A tang n takarua nakoiu ni kangai, ‘Atuara, ti ataiko ngaira aika tibun Iteraera!’+
3 E a tia Iteraera n rawa nakon te bwai ae raoiroi.+
Ke e kaeaki iroun te tia kairiribai.
4 A rineiia ueea, ma tiaki rinanou.
A rineiia tooka ma I aki kinaia naakai.
A karaoi bouannanti n aia tirewa ma aia koora,+Ni karekea kamaunaaia iai.+
5 E a ribaaki am kao te teei, ngkoe ae Tamaria.+
E urarake uniu irouia.+
A na maanra riki ngaiia ni babanga n aki bure?*
6 Boni mairoun Iteraera te baei.
E karaoia te tia karaobwai ae mwaatai ao bon tiaki te Atua.
E na kamaerikirikaki ana kao te teei Tamaria.
7 Bwa bon te ang ae a unikia,Ao a na taia te angibuaka.+
Akea te kai ae e na karikii uita* aika tawaa,+Ao ane e bwebwerake e na aki karekea te burawa.
Ngkana iai ae e reke ao a na ongnga iabatera.*+
8 E na ongaki Iteraera.+
A nang mena ngkai i buakoia natannaomata,+N aroni nnen te bwai ae aki tangiraki.
9 Bwa a waerake nako Aturia+ n aron te taongki ae moaanti ae akea raona.
E a tia Eberaim ni kabooia ana tangira.+
10 E ngae ngke a kabooia mai buakoia natannaomata,Ma N nang ikotiia ngkai.
Ane a nangi moanna ni karawawataaki+ ibukin te rawawata are e katokaa i aoia te uea ma tooka.
11 Bwa e a tia Eberaim ni kabatiai baonikarea ao e bure iai.+
A riki bwa ana baonikarea ni karakai riki ana bure.+
12 I korei ibukia baika bati man au tua,*Ma a aki mutiakin.+
13 A anganai bwaai n tituaraoi aika karea ao a kana te irikomaiu,Ma e aki kukurei Iehova ni baikai.+
E nang uringa ngkai aia kairua ao ni katuuaaeia ibukin aia bure.+
A rairaki* nako Aikubita.+
14 E a tia Iteraera ni mwanuokina te tia Karaoia+ ao e katei tembora,+Ao Iuta e kabatiai kaawa aika nonoaki.+
Ma N na kanakoa te ai nakon aia kaawa,Ao e na kabueki taian taua ake a mena n te kaawa teuana ma teuana.”+
Taiani Kabwarabwara Mai Nano
^ Ke, “tembora.”
^ Ke, “itiaki?”
^ Ke, “ianena.”
^ Ke, e kona n nanona “te baare.”
^ Ke, “kaetieti.”
^ Ke tao, “A na oki.”
