Taani Motikitaeka 5:1-31
5 N te bong anne ao a anenea te kuna ae kangai Tebora+ ma Bwaraka+ are natin Abinoam:+
2 “Ibukina bwa a katinetinei iraia* tibun Iteraera,Ao ibukina bwa a anga nanoia aomata+ nakon te buaka,Karaoiroa Iehova!
3 Ongora ngkami aika ueea! Katanimaia taningami ngkami aika taan tautaeka!N na anene nakon Iehova.
N na anene n neboa* Iehova+ ae Atuan Iteraera.+
4 Iehova, ngke ko otinako mai Teira,+Ngke ko mwananga n otinako man aonon Etom,Ao e mwaeiei te aonnaba, ao e bwaka te karau mai karawa,Ao a kabwaroi raan naang.
5 A a ran* maunga i matan Iehova,+Ao Tinai naba i matan Iehova+ ae Atuan Iteraera.+
6 N ana bong Tiamka+ are natin Anata,N ana bong Iaera,+ ao a kitanaki kawai,Ao a totoui kawai ake mai buki taani mwamwananga.
7 Ai akea* kaain te kaawa i Iteraera,Ai bon akea ni karokoa teirakeu, ngai ae Tebora,+Ni karokoa teirakeu bwa kaanga te tina i Iteraera.+
8 A rineiia atua aika boou,+Ao e riki te buaka ni mataroan te oo.+
E aki kona n noraki te otanga, ke te kainiwai teaina,I buakoia 40,000 i Iteraera.
9 E memena nanou irouia taani kairiia tibun Iteraera,+Ake a nako n anga ngaiia n raonia aomata.+
Karaoiroa Iehova!
10 Ngkami aika taan toka i aoia taongki aika maii,Ngkami aika kam tekateka i aon nangoa aika raraoi,Ao ngkami akana kam nakonako i nanon te kawai,Iangoa aei!
11 A ongoraeaki bwanaaia n taabo n ran taan tibwatibwaa te ran,
Ike a karakin iai ana mwakuri aika raraoi Iehova,
Ao aia mwakuri aika raraoi kaain ana kaawa ake i Iteraera.
Ao a ruo ana aomata Iehova nakoni mataroan te oo.
12 Uti, uti, ngkoe ae Tebora!+
Uti, uti, anenea tekorana te kuna!+
Teirake ngkoe Bwaraka!+ Kairiianako am taenikai, ngkoe ae natin Abinoam!
13 Ao a ruo nakoia bwaanuea te koraki ake nikiraia,A ruo nakoiu ana aomata Iehova ni kaaitaraia aomata aika korakora.
14 A nako mairoun Eberaim te koraki ake n te mwarua,*A iriko ngkoe ae Beniamin, a mena i buakoia am botannaomata.
Ao a ruo taani kairiri mai buakoia kanoani Makira,+Ao a nako mairoun Teburun akana bwaibwai n okon te tia taui mwia taani buaka.*
15 A ira Tebora tooka ake a nako mairoun Itakara,N aron Itakara ngke e ira Tebora, ao Bwaraka+ naba e ira neiei.
E kariannaaki teuaei nako nanon te tabo ae aoraoi.*+
E korakora tuoakin te nano i buakoia ana baronga nako Reuben.
16 Bukin tera ngkai ko tekateka i marenani baeki aika uoua aika kabaeaki n te kaintoka,Ma n ongora irouia ngkai a katangitangi aia kaibwabwaa ibukia aia nanai?+
Bwa e korakora tuoakin te nano i buakoia ana baronga nako Reuben.
17 E teimatoa n tiku Kireata n iteran te Ioretan are te iterana,+Ao e aera Tan ngkai e teimatoa n tiku i aon taiani kaibuke?+
E tekateka Atera n aoaoria i mataniwin te aba,Ao e mamaeka n ana matabaiawa.*+
18 Teburun bon te natannaomata ae a karuanikaia maiuia* ni kataua mateia,Ao Nabetari naba,+ n taabo aika rietata+ aika akea kamanoaia.
19 A roko ueea, ao a buaka,Ao a buaka ueani Kanaan+I Taanaka i rarikin ranin Mekito.+
E aki reke konaia ae te tirewa n te buaka.+
20 A buaka taian itoi mai karawa,A buakana Titera i nanoni minominoia.
21 E uotiianako taani kairiribai te karaanga* ae Kition,+Te karaanga* are mangkoa, ae te karaanga* ae Kition.
Ao I* toutouia akana korakora.
22 A bukibuki waeia aotiNgke a biribiri ana aoti aika mwaane n te aro ae korakora.+
23 E taku ana anera Iehova, ‘Ke e reke kaini Meroti,Eng, ke a reke kaia taani maeka iai,Bwa a aki roko ni buoka Iehova,Ni buoka Iehova ma te koraki aika korakora.’
24 E rangi ni kakabwaiaaki riki Iaera+ i buakoia aineAe buun Eebere+ ae te Kenaite,E rangi ni kakabwaiaaki riki neiei i buakoia aine aika maeka n umwanrianna.
25 E tuatua teuarei te ran, ma e anganna neiei rannimamman te man,Ao e anga rannimamman te man ae kabwaninaki i nanon te boora ae bubura.+
26 E anaa kain rooan te umwanrianna ni baina,Ao ana aama te tia mwakuri ni baina are te atai.
Ao e orea Titera n te aama, e kaikoaka atuna,Ao e orea borana ma n ewaria.+
27 E raraunako teuaei i marenani waen neiei ao e bwaka n aki kakammwakuri,E raraunako ao e bwaka i marenani waen neiei,Ike e wene iai ao e bwaka naba iai ni konaaki.
28 E taratara nako te aine temanna man te kamaama,E kaninganinga tinan Titera man te warawara,‘E aera ngkai e a baenikai n roko ana kaa ni buaka?
E aera ngkai a a rangi n rimwi bukibukini waen ana kaa ni buaka?’+
29 E na kaekaa neiei temanna ae te kabanea ni wanawana i buakoia ana aine aika bwaanuea,Eng, e na kaokioka naba ae kangai neiei i bon irouna,
30 ‘A bae n tibwatibwai konaia ni buaka ake a reke irouia,
Temanna te aine,* uoman aine* ibukin temanna te tia buaka,
Tibwan Titera te kokona ae te kunnikai ae karanaki, te kokona ae te kunnikai ae karanaki,
Te kunnikai ae katamaroaaki n taeraki, te kunnikai ae karanaki, aika kunnikai aika uoua aika katamaroaaki n te itutu
Aika bwain roroaia taani kuribwai.’
31 Mangaia ae ke a bane ni mauna taani kairiribai nakoim,+ ngkoe ae Iehova,
Ma ke a katotonga aron taai ae otirake akana tangiriko, ao e ootanako n raneanea.”
Ao e a motirawa* te aba arei i nanon 40 te ririki.+
Taiani Kabwarabwara Mai Nano
^ Ke, “taani buaka aika aki kabaei iraia.”
^ Ke, “katangitang nakon.”
^ Ke tao, “mwaeiei.”
^ Ke, “A toki.”
^ Ke, “te tabo ae aoraoi ae mena n te mwarua.”
^ Ke tao, “te koraki ake a taua mwin ana bwai ni mwakuri te tia koroboki.”
^ Ke, “te tabo ae aoraoi ae mena n te mwarua.”
^ Ke, “taabo n rooroo.”
^ Ebera, ne’phesh, nora Nanon Taeka.
^ Ke, “te raanga.”
^ Ebera, ne’phesh, nora Nanon Taeka.
^ Ke, “te raanga.”
^ Ke, “te raanga.”
^ Ebera, “te biroto.”
^ Ebera, “taiani biroto.”
^ Ke, “rau.”
