Taeka N Rabakau 15:1-33
15 E rairaanako te un ae korakora te kaeka ae nimamannei,*+Ma e kauekea te un te taeka ae kamarakinano.*+
2 A kabongana raoi te atatai neweia akana wanawana,+Ma a kaotinakoa te nanobaba wia akana nanobaba.
3 A mena matan Iehova n taabo nako,N tarataraiia akana buakaka ma akana raoiroi.+
4 Bon te kai ni kamaiu te newe ae rau,*+Ma e karekea te bwarannano te taetaenikawai ae aki eti.
5 E aki karinea ana reirei ni kaetieti tamana te aomata ae nanobaba,+Ma e butimwaea te kaetaki* te aomata ae ataibwai.+
6 A bati baika kakawaki n ana auti te aomata ae raoiroi,Ma uaan ana mwakuri* te aomata ae buakaka e boni karekea n te kangaanga.+
7 A kabutaanako te atatai riaia akana wanawana,+Ma e aki karaoa anne nanon ane e nanobaba.+
8 E riribaaki iroun Iehova aia karea akana buakaka,+Ma a kakukurei Irouna aia tataro akana raoiroi.+
9 E riribaa aron ane e buakaka Iehova,+Ma e tangira ane e uaiakina te raoiroi.+
10 E taraa ni buakaka* te reirei ni kaetieti iroun ane e kaaki taekan te kawai ae raoiroi,+Ma e na mate ane e ribaa te boaaki.+
11 E noraki raoi iroun Iehova te Ruanimate* ao te tabo ni kamaunanakoaki,*+Ao ai batira riki ngkanne ni kaineti ma nanoia aomata!+
12 Te tia kakaniko e aki tangira te aomata are e kaetaki* irouna.+
E na aki karekea buokana irouia akana wanawana.+
13 Te nano ae kimwareirei e karekea te mata ni kukurei,Ma ngkana e nanokawaki te aomata ao e bwara nanona iai.+
14 E ukoukora te atatai te nano ae ataibwai,+Ma e rauaki wia akana nanobaba n te nanobaba.+
15 A bane ni buakaka ana bong te aomata ae karawawataaki,+Ma e reitinako ana baka n amwarake ane e kakatonga* nanona.+
16 E raoiroi riki karakon te bwai ao iai maakakin Iehova,+Nakon te kaubwai ae rangi ni bati ae raonaki n te tabeaianga.*+
17 E raoiroi riki te raurau ae kanoana aroka aika kakanaki ae irianaki n te tangira,+Nakon te kao mwaane ae kamarikaaki ae irianaki n te riribai.+
18 E kauekea te kaiangatoa te aomata ae kakaiun,+Ma e kabebetea te kauntaeka ane e iremwe n un.+
19 Kawain te aomata ae taningaroti kaanga ai aron te oo ae te aroka ae kateketeke,+Ma kawain te aomata ae raoiroi kaanga ai aron te kawai ae totouaki ae aoraoi.+
20 E kakimwareireia tamana te nati ae wanawana,+Ma e ribaa tinana te mwaane ae nanobaba.+
21 Te nanobaba bon ana bwai ni kimwareirei ane e aki ataa ae riai,*+Ma e nakonako ni kaineta mooa te mwaane ae ataibwai.+
22 A matebuaka babaire ngkana akea te mamaroro,*Ma a nakoraoi bwaai rinanoia taan angareirei n ibuobuoki* aika bati.+
23 E kimwareirei te mwaane ngkana e anga te kaeka ae eti,*+Ao ai raoiroira te taeka ae taekinaki n te tai ae riai!+
24 E waerake nako eta kawain te maiu iroun te aomata ae ataibwai,+Bwa e na kairianako man te Ruanimate* are i nano.+
25 E na kabwakai aia auti akana kainikatonga Iehova,+Ma e na kateimatoa tian aban te aine ae e a tia ni mate buuna.+
26 E riribai ana babaire te aomata ae buakaka Iehova,+Ma a itiaki Irouna taeka aika kakukurei.+
27 Ane e karekea ana raka n te babakanikawai, e karekea te kangaanga* nakoia kaaini batana.+
Ma ane e ribai bwaai ni kamaraato ao e na teimatoa ni maiu.+
28 E iango moa imwain ae e kaeka,* nanon ane e raoiroi,+Ma e kaotinakoi baika buakaka win ane e buakaka.
29 E raroanako Iehova ma akana buakaka,Ma e ongo aia tataro akana raoiroi.+
30 A kakimwareireia te nano maata aika oota,*Ao e kakorakorai taian ri* te rongorongo ae raoiroi.+
31 Ane e kakauongo nakon te boaaki ae anga te maiu,Ao e mena i buakoia akana wanawana.+
32 Ane e rawa nakon te reirei ni kaetieti ao e ribaa maiuna,*+Ma ane e kakauongo nakon te boaaki ao e karekea te ataibwai.*+
33 Maakakin Iehova e reireina te aomata ni kataneia bwa e na wanawana,+Ao te nanorinano e rimoan te karineaki.+
Taiani Kabwarabwara Mai Nano
^ Ke, “kammaraki.”
^ Ke, “aamarau.”
^ Ke, “te newe ae kakamaiu.”
^ Ke, “te boaaki.”
^ Ke, “ana mwane ae rereke.”
^ Ke, “riao.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “ao Abaton.”
^ Ke, “boaaki.”
^ Ke, “raoiroi.”
^ Ke, “te mangaongao.”
^ Ebera, “aki tau nanona.”
^ Ke, “te maroro ae raba.”
^ Ke, “taan anga te reirei ni kairiri.”
^ Ebera, “n ana kaeka wina.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “te bwaibwainrang.”
^ Ke, “E iangoa raoi arona ni kaeka; E iango moa imwain ae e taetae.”
^ Ebera, “kamarikai taian ri.”
^ Ke, “te taratara ma te kakatonga.”
^ Ebera, ne’phesh, nora Nanon Taeka.
^ Ebera, “te nano.”
