Taeka N Rabakau 18:1-24
18 Ane e kararoaa ma aomata ao e bon ukeri baike e tangiri nanona.
E rarawa nakon* te wanawana* ni kabane.
2 E aki kukurei te aomata ae nanobaba n te ataibwai,Ma e kukurei riki ni kaota te bwai are i nanona.+
3 Ngkana e roko te aomata ae buakaka ao e roko naba te riribai,Ao irian te bwaibwainrang bon te kamaamaeaki.+
4 Bon te ran ae makuakua ana taeka win te aomata.+
Koburaken te wanawana bon te karaanga n ran ae kobukoburake.
5 E aki raoiroi kaotiotan te inanonano nakon ane e buakaka,+Ke tauan te kaetitaeka ae riai mairoun ane e raoiroi.+
6 Ana taetaenikawai te nanobaba e kairiri nakon taiani kauntaeka,+Ao wina e wewetea te oreaki.+
7 Win ane e nanobaba boni kabuanibwaina,+Ao riana boni bwaini kamwaneani maiuna.*
8 Ana taeka te tia uarao kaanga ai aron taian amwarake aika kangkang,*+A ienikuriaki n ongaki ao a ruo rikaaki nakon te biroto.+
9 Ane e taningaroti n ana mwakuriAo bon tarin te aomata ae karika te kabuanibwai.+
10 Aran Iehova bon te taua ae korakora.+
E biri nako nanona ane e raoiroi ao e reke kamanoana.*+
11 Kaubwain te aomata ae kaubwai bon ana kaawa ae nonoaki,Ao e iangoia bwa kaanga te oo ni kamanomano.+
12 Te nano ae kainikatonga e rimoan te kabuanibwai,+Ao te nanorinano e rimoan te karineaki.+
13 Ngkana iai ae e kaeka nakon te bwai teuana imwain ae e ongo raoi te koaua,Ao bon te aro n nanobaba anne ma ni kabwainrang.+
14 E kona korakoran nanon te aomata ni kateimatoa ni kaitaraa aorakina,+Ma antai ae kona ni kaitaraa te uruakinnano?*+
15 E karekea te atatai nanon te aomata ae ataibwai,+Ao e ukera karekean te atatai taningan ane e wanawana.
16 Ana bwaintangira te aomata e kauka kawaina,+Ao e anganna te konaa n roko irouia aomata aika kakannato.
17 E taraa n eti ane e moani karina ana tangitang,+Ni karokoa rokon te tia kaitaraa n neneria.*+
18 E katoka ngkoa te itabarara ukoukoran te kanikina* mairoun te Atua,+Ao e babaire i marenaia* akana korakora aia kaiangatoa.
19 E matoatoa riki raoiakinan te tari ae kaunaki nakon te kaawa ae nonoaki,+Ao bon iai kauntaeka aika kaanga ai aroni kaini kamatoaan te tabo ni kamaiu.+
20 E na kaonaki biroton te aomata man uaan ana taetaenikawai,*+Ao e na rauaki n te bwai are a karikia riana.
21 E mena te mate ao te maiu ni mwaakan te newe.+
Akana tatangiria ni kamanena a na kana uaana.+
22 Ane e reke irouna buuna ae te aine ae raoiroi ao e kunea te bwai ae raoiroi,+Ao e reke akoana iroun Iehova.+
23 E onnon te aomata ae maiu ni kainnano ngkana e taetae,Ma e kaeka ma te iowawa te aomata ae kaubwai.
24 Iai raao aika karaoa ae buakaka i bon i marenaia ni karekeia n te kabuanibwai,+Ma iai te rao ae nimnim riki nakon te tari.+
Taiani Kabwarabwara Mai Nano
^ Ke, “kaota ribaan.”
^ Ke, “te wanawana ae manena.”
^ Ebera, ne’phesh, nora Nanon Taeka.
^ Ke, “kaanga ai aroni baika a nang kabwautaki ma te nanonrang.”
^ Ebera, “e tabekaki ni karietataaki,” ae taekan ae e aki kona n roko te aba iai, e mano.
^ Ke, “te bwarannano ae korakora?”
^ Ke, “ni karaoa ana kakaae raoi i aona.”
^ Ebera, “e kamaenakoia.”
^ A kabongana te aro teuana are e kona iai te Atua ni kaotia bwa tera nanona ni kaineti ma te bwai anne.
^ Ebera, “wina.”
