Taeka N Rabakau 2:1-22
2 Natiu, ngkana ko butimwaei au taekaAo ni kaikoi au tua bwa baika rangi ni kakawaki,+
2 N arom ni katanimaia taningam nakon te wanawana+Ao n raira nanom nakon te ataibwai,+
3 Ao ngkana ko wewetea te atatai,+Ao n takarua nakon te ataibwai,+
4 Ngkana ko teimatoa n ukoukoria n aron ukoukoran te tirewa,+Ao n teimatoa ni kakaaea n aroni kakaaeani kaubwai aika karabaaki,+
5 Ao ane ko na ota iai ni maakakin Iehova,+Ao e na reke iroum ataakin te Atua.+
6 Bwa bon Iehova ae ngaia ae anganga te wanawana,+Ao e otinako te atatai ma te ataibwai mai wina.
7 E kaikoa te wanawana* ibukia akana raoiroi,E riki bwa te otanga ibukia akana nakonako ma etin aroia.+
8 E taratarai kawain te kaetitaeka ae riai,Ao e na tararuai kawaia ana aomata aika kakaonimaki ni koaua.+
9 Ko na ota ngkanne n te raoiroi, ao n te eti, ao n te riai,Ae kawain nako te raoiroi.+
10 Ngkana e rin te wanawana i nanom,+Ao e riki te atatai bwa te bwai ae kakukurei iroum,+
11 Ao e na teimatoa n tararuaiko te konabwai n iaiango raoi,+Ao e na kakawakiniko te ataibwai,
12 Bwa e na kamaiuko man te kawai ae buakaka,Mairoun te aomata ae taekini baika aki riai,+
13 Mairouia akana kitani kawai aika etiBwa a na nakonako ni kawain te rotongitong,+
14 Mairouia akana kakatonga ni karaoan ae bure,Akana kimwareirei ni baika aki riai aika buakaka,
15 Akana bwaoua kawaia,Ao akana mwamwanaa te aba ni kawaia ni kabane.
16 E na kamaiuko mairoun te aine ae titibanako,*Ao man ana taeka ni karenarena* te aine ae kammaira,*+
17 Ae kitana raona* ae kaan ma ngaia mangke te roro n rikirake ngaia,+Ao e mwanuokina ana berita Atuana.
18 Bwa e iinako ana auti nakon te mate,Ao a kairiri kawaina nakoia te koraki aika akea korakoraia bwa a mate.+
19 Akea i buakoia aomata ake a wene n taanga ma* neiei aika a kona ni manga karairaki,Ao a aki naba kona ni manga karekei kawain te maiu.+
20 Mangaia are kakairi ni kawaia aomata aika raoiroi,Ao tiiku ni kawaia akana raoiroi,+
21 Bwa a na maekana te aonnaba tii akana raoiroi,Ao a na tiku iai akana akea kabuakakaaia.*+
22 Ma a na boni koreakinako akana buakaka man te aonnaba,+Ao a na taekaki mai iai taani mwamwanaa te aba.+
Taiani Kabwarabwara Mai Nano
^ Ke, “te wanawana ae manena.”
^ Ebera, “ianena.” N taraana e raroanako aroaroni maiuna ma ae tangiraki iroun te Atua.
^ Ke, “kabwakabwaka.”
^ Ebera, “te iabatera.” N taraana e raroanako ma te Atua ibukin aroaroni maiuna ae aki raoiroi.
^ Ke, “buuna.”
^ Ebera, “rinnako nakon.”
^ Ke, “ane e kateimatoa etin arona.”
