Taeka N Rabakau 3:1-35
3 Natiu, tai mwanuokina au reirei,*Ao ke e kawakin au kaetieti nanom,
2 Bwa e aonga ni kabatiaaki iai am bong,Ao am ririki ni maiu, ao raum.+
3 Tai kariaia bwa e na kitaniko te tangira ae koaua* ao te kakaonimaki.*+
Kabaei i roroamAo korei i aon nanom,+
4 Ao ane e na reke iai iroum te akoaki ma te ataibwai ae raoiroiI matan te Atua ao aomata.+
5 Onimakina Iehova+ ma nanom ni kabane,Ao tai onimakina* oin am ataibwai.+
6 Ko na mutiakinna i nanoni kawaim ni kabane,+Ao e na kanakoraoa maium.+
7 Tai kani wanawana n oini matam.+
Maaka Iehova ao tannako man te buakaka.
8 E na riki bwa kamarurungan rabwatam,*Ao kaboouan riim.
9 Karinea Iehova n am bwai aika kakawaki,+Ao ni moan uaan* nako am tano.*+
10 Ao a na onrake raoi am auti ni kaikobwai,+Ao a na taonako am bukibuki* n te wain ae boou.
11 Natiu, tai rawa nakon ana reirei ni kaetieti Iehova,+Ao tai ribaa boaam irouna,+
12 Bwa akana e tangiriia Iehova ao e boaiia,+N aron ae e karaoia te tama nakon natina ae e kukurei irouna.+
13 E a kukurei te aomata ae kunea te wanawana+Ao te aomata ae karekea te ataibwai,
14 E raoiroi riki karekeana nakoni karekean te tirewa,Ao e raoiroi riki anaakina bwa te raka nakon anaakin te koora.+
15 E rangi ni kakawaki riki nakon te ane,*Ao akea te bwai ae ko tangiria ae kona ni kabotauaki ma ngaia.
16 E mena te maiu ae abwabwaki ni baina are te atai,Ao te kaubwai ma te karineaki ni baina are te maing.
17 A kakukurei arona,Ao a rau kawaina ni kabane.+
18 Bon te kai ni kamaiu nakoia te koraki ake a anaia,Ao a na atongaki bwa a kukurei te koraki ake a teimatoa n taua ni kamatoaa.+
19 E kawenea aan te aonnaba Iehova n te wanawana.+
E karaoa karawa ni kamatoaa n te ataibwai.+
20 E bwenauaa te ran ae makuakua n ana atatai,Ao e timtim n aoi karawa ae uananginang.+
21 Natiu, tai katannakoi matam mani baikai.*
Kawakina te wanawana* ao te konabwai n iaiango raoi,
22 Ao ane a na anganiko te maiu,Ao a na riki bwa katamaroaan roroam.
23 Ko na nakonako ngkanne i nanoni kawaim n akea am kangaanga,Ao e na aki tatanako* waem.+
24 Ko na aki maaku ngkana ko wene,+Ko na wene ao e na rau matum.+
25 Ko na aki maaku n te bwai ni kakamaaku ae karina+Ke n te angibuaka ae roko i aoia akana buakaka.+
26 Bwa e na riki Iehova bwa nibwan am aki nanokokoraki,+
Ao e na kawakina waem bwa e na aki mwane.+
27 Tai taua te bwai ae raoiroi mairouia akana ko riai n angania,*+Ngkana iai korakoram* ni kona n ibuobuoki iai.+
28 Tai kangai nakon raom n aomata, “Naako, ko a manga oki imwina riki! I a anganiko ningabong,”Ngkana ko kona n anga ngkai.
29 Tai bairea karaoan ae buakaka nakon raom n aomata,+Ngkana e mena i rarikim ao n onimakiniko.
30 Tai kauntaeka ma te aomata n akea bukina,+Ngkana akea te bwai ae buakaka ae e a tia ni karaoia nakoim.+
31 Tai bakantang iroun te aomata ae iowawa+Ke ni kakairi n teuana mai buakon arona,
32 Bwa e riribaa te aomata ae mwamwanaa te aba Iehova,+Ma e kaan Ana iraorao ma akana raoiroi.+
33 E mena ana kamaraia Iehova i aon ana auti ane e buakaka,+Ma e kakabwaiaa mwengan ane e raoiroi.+
34 Bwa e bwainingareiia taani kaenaena,+Ma e akoiia akana nimamannei.+
35 A na bwaina te karineaki akana wanawana,Ma a kamoamoa akana nanobaba n te bwai ae karika te kamaamaeaki.+
Taiani Kabwarabwara Mai Nano
^ Ke, “tua.”
^ Ke, “te tangira ae kona n onimakinaki.”
^ Ke, “te koaua.”
^ Ebera, “rara nakon.”
^ Ebera, “butom.”
^ Ke, “mwane ae rereke.”
^ Ke, “kabanea n raoiroi.”
^ Ke, “nne ni kamanti kureebe.”
^ Nora Nanon Taeka.
^ N taraana e kaineti nakon aroaron te Atua aika taekinaki ni kiibu ake mai mwaina.
^ Ke, “te wanawana ae manena.”
^ Ke, “turu ma te bwai teuana.”
^ Ke, “korakorani baim.”
^ Ke, “akana e riai anganakia.”
