Taeka N Rabakau 30:1-33
30 Te rongorongo ae kakawaki ae mena n ana taeka Akuura are natin Iake ake e taekin nakon Itiera, ao Ukara.
2 I ronnano riki nakoia aomata nako,+Ao akea te ataibwai irou ae e riai n reke iroun te aomata.
3 I tuai n reiakina te wanawana,Ao akea irou te atatai are mairoun Teuare Moan te Tabu.
4 Antai ae e a tia n rierake nako karawa ao ni manga ruo?+
Antai ae e a tia n ikota te ang i nanoni baina ni kauaai?
Antai ae e a tia n nira te ran n ana kunnikai?+
Antai ae e a tia ni bane ni kamatoai* tabon aonnaba?+
Antai arana ao aran natina, ngkana ko ataia?
5 A bane n itiaki ana taeka te Atua.+
Bon te otanga ngaia irouia naake a kamanoia irouna.+
6 Tai karakai ana taeka,+Bwa e kaawa ni boaiko,Ao ko na kaotaki iai bwa te tia kewe.
7 Uoua baika I bubutiiko iai.
Tai taui mairou imwaini mateu.
8 Kanakoa te bwai ae aki koaua ao taiani kewe ni kararoai mairou.+
Tai anganai te maiu n raarikin ke te kaubwai.
Tii kariaia bwa N na kana bwaunau n te amwarake,+
9 Bwa I aonga n aki rauaki ao ni kakeako ma ni kangai, “Antai Iehova?”+
Ao I aonga n aki maiu ni kainnano ao n iraa, ma n aki karinea* aran Atuau.
10 Tai uaraoa te toro nakon ana toka,Bwa e kaawa ni kamaraiako ao ko na reke n te bure.+
11 Bon iai te roro teuana ae a kamaraiaa tamaia,Ao a aki kakabwaiaa tinaia.+
12 Bon iai te roro teuana ae a iangoia bwa a bon itiaki,+Ma a tuai ni kaitiakaki mani kamwaraia.*
13 Bon iai te roro teuana ae a rangi ni mata ni kainikatonga,Ao a rangi ni mata ni kamoamoa!+
14 Bon iai te roro teuana ae bon taiani kabaang wia,Ao bon taiani biti* mwangaia.
A kabwautiia kaain te aonnaba aika mangori,Ao akana maiu ni kainnano mai buakoia botannaomata.+
15 Iai natiia taian taritari* aika uoman aine aika tang ni kangai: “Kaamai! Kaamai!”
Iai baika tenua aika aki kona n rauaki,Bon aua baika aki kona ni kangai: “E a tau!”
16 Bon te Ruanimate*+ ao te biroto ae kanoabo,Te aba ae akea ranna,Ao te ai ae aki kona ni kangai: “E a tau!”
17 Te mata ae bwainingarea tamana ao ae riribaa te ongeaba nakon tinana,+A na boni katebea ni koutia mannikiban te mwarua aika reeben,Ao a na kanna ikare aika ataei.+
18 Iai baika tenua aika riaon au ataibwai,*Ao aua baika I aki ota iai:
19 Kawain te ikare i karawa,Kawain te naeta i aon te bwaa,Kawain te kaibuke i marawa,Ao kawain te rorobuaka ma te ateiaine.
20 Aio aron te aine ae wewene ni kimoa:
E amwarake ao e kaoa winaAo imwina e kangai: “Akea te bwai ae I karaoia ae bure.”+
21 Iai baika tenua aika kamwaeieiea te aonnaba,Ao baika aua aika e aki kona ni kaaitarai:
22 Ngkana e a tautaeka te toro bwa te uea,+Ngkana e a riao tibutauan ane e nanobaba n te amwarake,
23 Ngkana e a buunaki te aine ae ribaaki,*Ao ngkana e a ruamwin* ana toka te toro ae te aine.+
24 Iai baika aua i aon te aba aika mena i buakoni baika taiani kabanea n uarereke,Ma a karikaki ao iai wanawanaia:*+
25 Boni maan aika aki korakora* kinnongo,Ma n tain te tai ao a kakatauraoi kanaia.+
26 Boni maan aika aki korakora* manin te bwaa aika taiani baetia,+Ma a karaoi aia auti n taiani bwaa.+
27 Akea aia uea taian rokati,+Ma a baireaki* raoi ngkana a bane ni mwananga.+
28 E nimnim ni waena te beru,*+Ao e rinnako n ana baareti te uea.
29 Iai baika tenua aika rangi n tamaroa nakonakoia,Aua baika rangi n tamaroa ngkana a mwananga:
30 Te raian ae te kabanea ni korakora i buakoia maan,Ae e aki kona ni mumun rikaaki mai mwain te aomata temanna,+
31 Te kamea ae birimwaaka, te kooti mwaane,Ao te uea ae a iria kaain ana taanga ni buaka.
32 Ngkana ko a tia n nanobaba ni karietatako i bon iroum,+Ke ngkana ko a tia ni baireia bwa ko na karaoa anne,Ao kaaki baim i aoni wim.+
33 Bwa n aron ae e karekea te bwata kakibekibean te miriki,Ao e karekea te raraa unorakin te bwairi,
Ao ai arona naba bwa e karekei taiani kauntaeka kauekean te un.+
Taiani Kabwarabwara Mai Nano
^ Ebera, “katei.”
^ Ke, “taetae ni kamatauningaa.”
^ Ebera, “nakotaaria.”
^ Te aeka ni biti ae kabonganaaki ibukin tiringaia maan.
^ Te aeka ni mwata ae mena n te ran ae mam ae temetemeka te raraa ngkana e nimtiia aomata ke maan.
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “aika riaon te kamimi irou.”
^ Ke, “aki tangiraki.”
^ Ke, “tokanikai n onea mwin.”
^ Ke, “a riao wanawanaia.”
^ Ebera, “te natannaomata ae aki korakora.”
^ Ebera, “te natannaomata ae aki korakora.”
^ Ke, “a bwenauaaki nakoni koraki aika kakaokoro.”
^ Ae taekan te keko.
