Taeka N Rabakau 31:1-31
31 Ana taeka te Uea ae Remuera, ae te rongorongo ae kakawaki ae e anga tinana n reireinna iai:+
2 Tera ae I riai n tuangko ngkoe ae natiu,N na kangaa nakoim ngkoe ae natini birotou,Ao N na kangaa nakoim ngkoe ae natiu ae I taetae ni bau ibukina?+
3 Tai anga korakoram nakoia aine,+Ke ni bwaini aroaro aika a kona ni kamaunaia ueea.+
4 E aki riai ibukia ueea, ngkoe ae Remuera,E aki riai ibukia ueea bwa a na moi wain,E aki naba riai ibukia taan tautaeka bwa a na kangai, “E nga nimau?”+
5 Bwa a aonga n aki moi ao ni mwanuokina are e a tia ni motikaki,Ao n urua inaomataia akana mangori.
6 Aanga te kamanging nakoia akana nangi mate,+Ao te wain nakoia akana rangi n rawawata nanoia.+
7 Ke a moi ma ni mwaninga taekani karakon aia bwai,Ke a aki manga uringa aia kangaanga.
8 Taetae ibukia akana baennewe,Ao teei ibukin inaomataia ni kabane akana nangi mate.+
9 Taetae ao motikitaeka n te raoiroi.
Teei ibukin inaomataia* akana mangori ma akana maiu ni kainnano.+
א [Areba]
10 Antai ae kona n reke irouna te buu te aine ae konabwai?*+
E rangi ni kakawaki riki neiei nakon te ane.*
ב [Beta]
11 E onimakinna buuna mai nanona,Ao akea te bwai teuana ae kakawaki ae e tare iai teuaei.
ג [Kimera]
12 E angan teuaei kaniwangana ae te bwai ae raoiroi ao tiaki ae buakaka,Ni kabane bongini maiun neiei.
ד [Tareta]
13 E karekea neiei buraen te tiibu ao te rinen,Ao e kukurei ni mwamwakuri ni baina.+
ה [Ee]
14 Kaanga ai aron ana kaibuke nako te tia iokinibwai neiei,+Ae uouotii ana amwarake mai kiraroa.
ו [Wau]
15 E ututi naba ngkana e tuai n oota,Ao e katauraoa kanaia kaaini batanaAo bwaunaia ana toro aika aine.+
ז [Taiin]
16 E iaiangoa te tawaana ao e kabooa.
E ununiki n te nne ni kureebe ni bon oin ana mwakuri korakora.*
ח [Eta]
17 E katauraoia imwain te mwakuri korakora,*+Ao e kakorakorai anganibaina.
ט [Teta]
18 E ataia ae e materaoi ana iokinibwai.
E aki mate ana taura n te bong.
י [Iote]
19 A taua ni kamatoaa te kai ni bibinoka bain neiei,Ao a taua te kai ni waewae baina.*+
כ [Kabe]
20 E arora baina nakon ane e mangori,Ao e kaurea baina nakoia akana maiu ni kainnano.+
ל [Rame]
21 E aki raraomaeakinia kaaini batana ibukin te tino,Bwa a bane kaaini batana ni kunnikaiaki ni kunnikai aika matenten.*
מ [Mem]
22 E boni karaoi rabunani nnena ni wene.
E karaoaki kunnikaina man te rinen ao te karai ae beboo ae buraen te tiibu.
נ [Nun]
23 E rangi ni kinaaki buun neiei ni mataroan oon te kaawa,+N te tabo are e tekateka iai i buakoia unimwaane n te aba.
ס [Tameka]
24 E kakaraoi kunnikai* aika rinen ao e kaboonakoi,Ao e kakatauraoi kabaea n nuka nakoia taan iokinibwai.
ע [Aiin]
25 E kunnikaiaki neiei n te korakora ao n te tamaroa,Ao e tarai taai aika a na roko ma te aki nanokokoraki.*
פ [Be]
26 E kaurea wina ma te wanawana,+Ao e mena tuan te akoi* i aon newena.
צ [Tiate]
27 E tararuai aia mwakuri kaaini batana,Ao e aki kana amwaraken te taningaroti.+
ק [Kobi]
28 A teirake natin neiei ao a taekinna bwa e kukurei.
E teirake buun neiei ao e kamoamoaa.
ר [Reti]
29 A bati aine aika konabwai,*
Ma ko rianako riki ngkoe i buakoia ni kabane.
ש [Tiin]
30 E kona ni kewe te tamaroa ao e kai mauna* te baaraoi,+Ma e na kamoamoaaki te aine ae mamaaka Iehova.+
ת [Tau]
31 Angan neienne kaniwangana ibukin te baere e karaoia,*+Ao ke a kamoamoaa neiei ana mwakuri ni mataroan oon te kaawa.+
Taiani Kabwarabwara Mai Nano
^ Ke, “Teei ibukia n aia tangitang.”
^ Ke, “moanibaan te raoiroi.”
^ Nora Nanon Taeka.
^ Ke, “ni baike a reke irouna.” Ebera, “man uaani baina.”
^ Ebera, “kabaea bebeena n te korakora.”
^ Te kai ni bibinoka ao te kai ni waewae boni kaai aika kabonganaaki ibukini binokaan ke karaoan te karai.
^ Ebera, “uatao.”
^ Ke, “kunnikai ake a bwainaki mai aan te kunnikai.”
^ Ke, “e ngareakina te bong ae e na roko.”
^ Ke, “te reirei ae tatangira; tuan te tangira ae kona n onimakinaki.”
^ Ke, “moanibaan te raoiroi.”
^ Ke, “akea manenan.”
^ Ebera, “Angan neienne man uaani baina.”
