Areru 103:1-22
Ana areru Tawita.
103 I* bia karaoiroa Iehova,Ao a bia bane bwain nanou ni karaoiroa arana ae tabu.
2 I* bia karaoiroa Iehova,Ao I bia aki mwaninga baike e karaoi ni kabane.+
3 E kabwarai am kairua ni kabane,+Ao e katoki aorakim ni kabane.+
4 E kaoka maium man te mwarua,*+Ao e bauniko n ana tangira ae koaua* ao n ana nanoanga.+
5 E kanuaiko ni baika raraoi+ n am bong ni maiu ni kabane,Bwa ko aonga n teimatoa n ataei ao ni korakora n ai aron te ikare.+
6 E mwamwakuri Iehova ma te raoiroi+ ao te kaetitaeka ae riai,Ibukia akana karawawataaki ni kabane.+
7 E kaotii kawaina nakoni Mote,+Ao ana mwakuri nakoia tibun Iteraera.+
8 E nanoanga Iehova ao e atataiaomata,*+E iremwe n un ao e bati irouna te tangira ae koaua.*+
9 E na aki ukera te kairua n taai nako,+Ao e na aki naba teimatoa n un n aki toki.+
10 E aki karaoa nakoira ae e kaineti ma ara bure,+Ao e aki naba anganira uaan ara kairua ae bon tau n reke iroura.+
11 Bwa n ai aroni karawa ngkai e rietata riki nakon te aonnaba,Ao ai aron naba korakoran ana tangira ae koaua* nakoia akana maakua.+
12 N ai aron raroan otin taai ma bungin taai,Ao ai arona naba ni kararoai ara bure mairoura.+
13 N ai aron te karo ae nanoangaiia natina,E nanoangaiia akana maakua Iehova.+
14 Bwa e atai raoi aroni karaoara,+E uringira bwa taano ngaira.+
15 Ni kaineti ngkanne ma te aomata ae mamate, titeboo ana bong ma ana bong te uteute,+E uee n ai aron ueen te tawaana.+
16 Ma ngkana e kare te ang, ao ai akea naba ngaia,Kaanga ai aron ae bon akea ngkoa ikekei.
17 Ma e teimatoa n aki totoki* ana tangira ae koaua* IehovaNakoia akana maakua,+Ao ana raoiroi nakoia natiia natiia,+
18 Nakoia akana kawakina ana berita,+Ao akana taratara raoi ni kakairi n ana tua.
19 E katea ana kaintokanuea Iehova ni kamatoaa i karawa,+Ao e rotii bwaai ni kabane nakoana n uea.+
20 Karaoiroa Iehova ngkami ana anera ni kabane+ aika korakora mwaakami, aika kakororaoa ana taeka,+Ao n ongo ni bwanaana.*
21 Karaoiroa Iehova, ngkami aika ana taanga ni buaka ni kabane,+Aika ana tabonibai aika karaoa nanona.+
22 Karaoiroa Iehova, ngkami aika ana mwakuri ni kabane,N taabo nako aika e tautaeka iai.*
I* bia karaoiroa Iehova.
Taiani Kabwarabwara Mai Nano
^ Ebera, ne’phesh, nora Nanon Taeka.
^ Ebera, ne’phesh, nora Nanon Taeka.
^ Ke, “te ruanimate.”
^ Ke, “tangira ae kona n onimakinaki.”
^ Ke, “akoi.”
^ Ke, “te tangira ae kona n onimakinaki.”
^ Ke, “tangira ae kona n onimakinaki.”
^ Ke, “mangkoangkoa ni karokoa n aki totoki.”
^ Ke, “tangira ae kona n onimakinaki.”
^ Ebera, “ongo bwanaan (karongoaan) ana taeka.”
^ Ke, “n taabo aika e uea iai.”
^ Ebera, ne’phesh, nora Nanon Taeka.
