Areru 106:1-48
106 Karaoiroa Iah!*
Katituaraoa Iehova bwa e raoiroi,+E teimatoa n aki toki ana tangira ae koaua.*+
2 Antai ae kona n taekin raoi ana mwakuri Iehova aika abwabwaki,Ke ni katanoatai ana waaki ni kabane aika riai ni kamoamoaaki?+
3 A a kukurei akana bwaina te kaetitaeka ae riai,Aika a karaoa ae eti n taai nako.+
4 Uringai ngkoe ae Iehova, ngkana ko akoiia am aomata.+
Tararuaai n am mwakuri ni kakamaiu,
5 Bwa I aonga ni kimwareirei n raoiroim ae ko kaotia nakoia am koraki aika rineaki,+Bwa I aonga ni kakatonga ma am natannaomata,Bwa I aonga ni kakatonga ni kamoamoako ma am aomata.
6 Ti bure n aron are a karaoia ara bakatibu,+Ti karaoa ae kairua, ao ti karaoa ae buakaka.+
7 A aki atai* am mwakuri aika kamimi ara bakatibu i Aikubita.
A aki uringa mwaitin am tangira ae koaua,*Ma a karitei i rarikin taari are Taari ae Uraura.+
8 Ma e kamaiuia ibukin arana,+Bwa e na ataaki mwaakana.+
9 E boaa Taari ae Uraura ao e bwatakataka,E kairiia rinanoni kabina kaanga rinanon te rereua.+
10 E kamaiuia mai nanoni baia akana kairiribai nakoia,+Ao e kaokiia mai nanoni bain te tia kairiribai.+
11 A rabunakinako taani kakaaitaraia n te ran,Akea temanna i buakoia ae e maiu.*+
12 A a onimakina ngkanne ana berita,+Ao a anene n neboia.+
13 Ma a waekoa ni mwaninga te bwai are e karaoia,+Ao a aki tataningaa ana reirei ni kairiri.
14 A nanonrang ni baike a bwarui n te rereua,+Ao a kataa te Atua n te rereua.+
15 E angania baike a bubutiiMa e a manga oreiia n te aoraki, are a* a mamaara iai.+
16 A rikirake ni bakantang irouni Mote n te kaembwa,Ao iroun Aaron,+ are ana aomata ae itiaki* Iehova.+
17 E uki ngkanne aontano ao e kabwauta Ratan,Ao e rabunia naake a ikotaki ma Abiram.+
18 E urarake te ai i buakoia aia koraki,Ao e kabuekiia aika buakaka uran te ai.+
19 A karaoa te kao te teei i OrebaAo a bobaraaki nakon te bouannanti ae te biti,*+
20 A onea mwini mimitongiuNi bannan te kao mwaane ae kaakang uteute.+
21 A mwaninga taekan te Atua+ ae aia tia Kamaiu,Are e karaoi baika kakannato i Aikubita,+
22 Aika mwakuri aika kamimi n aban Am,+Aika baika kamimi ma ni kakamaaku n Taari ae Uraura.+
23 E nangi bon tua kamaunaaia,Ma e bubutii nakoina* Mote are ana aomata are e rineia,Bwa e na katoka unna ae e na kamauna te aba.+
24 A a riribaa ngkanne te aba are tatangiraki,+Ao a aikoa onimakina ana berita.+
25 A teimatoa ni ngurengure i nanon aia umwanrianna,+Ao a aki ongo ni bwanaan Iehova.+
26 Ai ngaia are e katea baina n tuea ni kaineti ma ngaiia,Bwa e na kabwakaia n te rereua.+
27 E na kabwakaia kanoaia i buakoia natannaomata,Ao e na kamaenakoia i aon te aba ni kabutaa.+
28 Ao a ira buakon taromauriani* Baara-beore,+Ao a kang taiani karea ake a kareanaki nakoia maate.*
29 A kaunna n aia mwakuri,+Ao e roko te rekenikai ae kamamate i buakoia.+
30 Ma ngke e teirake Bineati ni karaoa te bwai teuana,Ao e a toki iai te rekenikai arei.+
31 Ao e aranaki iai bwa e raoiroiI nanon rooro ni kabane n aki toki.+
32 A kaunna n ranin Meriba,*Ao e a rotakibuaka iai Mote ibukia.+
33 A kammaraka nanonaAo e taetae n te aro ae aki riai n riana.+
34 A aki kamaunaia botannaomata,+N aron are e tua Iehova nakoia.+
35 Ma a rereitaki ma natannaomata,+Ao a katotongi* aroia.+
36 A teimatoa n toro irouia aia bouannanti,+Ao a riki baikai bwa te bwai ni kamwane nakoia.+
37 A kareania natiia aika mwaaneAo natiia aika aine nakoia taimonio.+
38 A teimatoa ni katutui raraaia aomata aika akea aia bure,+Ae raraaia oin natiia aika mwaane ma aine,Ake a kareania nakoia bouannantini Kanaan,+Ao e a kabarekaaki te aba n te katuturaraa.
39 Ao a a kamwara n aia mwakuri,Ao a aki kakaonimaki* n aia mwakuri.+
40 Mangaia are e urarake unin Iehova nakoia ana aomata,Ao e a rikirake n ribaiia ana aomata.
41 E okioki n anga ngaiia nakoia natannaomata,+Bwa a aonga n tautaekanaki irouia te koraki ake a riribaiia.+
42 A karawawataaki irouia taani kairiribai nakoia,Ao a a mena i aani mwaakaia.*
43 E bati ana tai ni kamaiuia+Ma a karitei ao a aki ongeaba,+Ao a a karinanoaki ibukin aia kairua.+
44 Ma e nori rawawataia+Ao e ongo tangia ni kani buokaki.+
45 Bwa ibukia ao e a uringa ana berita,Ao e bon nanoanga,* bwa e kairaki ni korakoran* ana tangira ae koaua.*+
46 E karaoiia bwa a na nanoangaakiIrouia te koraki ni kabane ake a tauia bwa aia taenikai.+
47 Kamaiuira ngkoe ae Iehova ae Atuara,+Ao ikotiira mai buakoia natannaomata+Bwa ti aonga ni karaoiroa aram ae tabu,Ao ni kakatonga ni karaoiroiko.*+
48 Ke e karaoiroaki Iehova ae Atuan Iteraera,N aki totoki.*+
Ao ke a kangai aomata ni kabane, “Amen!”*
Karaoiroa Iah!*
Taiani Kabwarabwara Mai Nano
^ Ke, “tangira ae kona n onimakinaki.”
^ Ke, “Areruia!” “Iah” boni kauarerekean te ara ae Iehova.
^ Ke, “reke otaia n ae nanonaki n.”
^ Ke, “tangira ae kona n onimakinaki.”
^ Ke, “ae e tiku.”
^ Ebera, ne’phesh, nora Nanon Taeka.
^ Ke, “tabu.”
^ Ke, “te bouannanti ae kaburoaki n atoaki.”
^ Ebera, “tei ni bwangabwangan te oo i matana.”
^ Ke, “a nimta.”
^ Ae taekan taiani karea ake a kareanaki nakoia aomata aika mate ke atua aika akea te maiu irouia.
^ Ae nanona, “Kauntaeka.”
^ Ke, “reiakin.”
^ Ke, “a bure ni kaineti ma aia onimaki n aroia aomata aika kakabooaki ibukin te wene ni bure.”
^ Ebera, “baia.”
^ Ke, “batin.”
^ Ke, “tangira ae kona n onimakinaki.”
^ Ke, “uringaaba.”
^ Ke, “kakatonga ni karaoiroam.”
^ Ke, “mangkoangkoa ni karokoa n aki totoki.”
^ Ke, “Ngaia anne.”
^ Ke, “Areruia!” “Iah” boni kauarerekean te ara ae Iehova.
