Areru 107:1-43
(Taian Areru 107-150)
107 Katituaraoa Iehova bwa e raoiroi,+E teimatoa n aki toki ana tangira ae koaua.*+
2 Ke a taekina anne te koraki ake a kaokaki* iroun Iehova,Ake te koraki ake a kaokaki mai aani bain* te tia kakaaitara,+
3 Ake e ikotiia man aaba,+Mai mainiku ao mai maeao,*Mai meang ao mai maiaki.+
4 A tiotionako n te rereua, n te tabo ae akea kaaina,A aki kunea te kawai nakon te kaawa are a na maeka iai.
5 A* baki ao a taka,Ao a tong ibukini korakorani kuaia.
6 A teimatoa n takarua nakon Iehova i buakon rawawataia,+Ao e kainaomataia man aia kangaanga.+
7 E kanakonakoia i nanon te kawai ae eti+Bwa a aonga n roko n te kaawa are a na maeka iai.+
8 A bia katituaraoa Iehova aomata+ ibukin ana tangira ae koaua,*Ao ibukin ana mwakuri aika kamimi ibukia natiia aomata.+
9 E katoki takaia akana takaAo e kanuaiia akana baki ni baika raraoi.+
10 A maeka tabeman n te rotongitong ae korakora,Ake aomata ake taiani bure ake a karawawataaki ao a kabaeaki ni biiti.
11 Bwa a karitei nakon ana taeka te Atua,A aki karinea ana reirei ni kairiri Teuare Moan te Rietata.+
12 E karinanoi nanoia rinanon te kangaanga,+A bwaka ao akea ae e buokiia.
13 A wetea Iehova ibukini buokaia i buakon rawawataia,Ao e kamaiuia man aia kangaanga.
14 E kairiia ni kaotinakoia man te rotongitong ae korakora,Ao e motiki aia taurekereke.+
15 A bia katituaraoa Iehova aomata ibukin ana tangira ae koaua*+Ao ibukin ana mwakuri aika kamimi ibukia natiia aomata.
16 Bwa e urui mataroa aika taiani buraati ni kabwakaiAo e korei kaai ni kamatoa aika biiti.+
17 A nanobaba ao a rinanon te karawawataaki,+Ibukin aia bure ao aia kairua.+
18 E aikoa rin irouia amwarake ni kabane,A a uakaan ma mataroan oon te mate.
19 A wetea Iehova ibukini buokaia i buakon rawawataia,Ao e kamaiuia man aia kangaanga.
20 E kanakoa ana taeka ao e kamarurungia,+Ao e kainaomataia man taiani mwarua ake a mwane iai.
21 A bia katituaraoa Iehova aomata ibukin ana tangira ae koaua*Ao ibukin ana mwakuri aika kamimi ibukia natiia aomata.
22 Ke a anga taiani karea ni katituaraoi+Ao n tataekin ana mwakuri ma te tang ni kimwareirei.
23 Te koraki ake a mwamwananga i aon taari n taiani kaibuke,Ake a waakina aia iokinibwai riaon te ran ae abwabwaki,+
24 A a tia n nori ana mwakuri IehovaMa ana mwakuri aika kamimi i marawa.+
25 Ao aron ana taeka ni kawaia te angibuaka,+Ao ni karietatai naoni marawa.
26 A mwemwerake nako karawa,Ao a iinako nako naano.
A bwara nanoia ibukin te rawawata ae nangi waekoa ni kaoti.
27 A bebei ao a rangaranga n aron te mwaane ae koro ni manging,Ao a bane ni matebuaka rabakauia.+
28 A a takarua ngkanne nakon Iehova i buakon rawawataia,+Ao e kainaomataia man aia kangaanga.
29 E karaua te angibuaka,Ao e a raoi naoni marawa.+
30 A kimwareirei ngkai a raoi baikai,Ao e kairiia nakon te matabaiawa ae a tangiria.
31 A bia katituaraoa Iehova aomata ibukin ana tangira ae koaua*Ao ibukin ana mwakuri aika kamimi ibukia natiia aomata.+
32 Ke a karietataa i buakoia aomata aika ikotaki,+Ao ke a karaoiroia i buakon aia kaboowi* unimwaane.
33 E oniki karaanga nakon te rereua,Ao koburake n ran nakon te tano ae mwauteretere,+
34 Ao te aba ae karikiuaa nakon te aba ae tarika ae aki kona ni maekanaki,+Ibukini buakakaia te koraki ake a maeka iai.
35 E onika te rereua nakon taian nei ni maunei,Ao te aba ae mwau nakon taiani koburake n ran.+
36 E kamaekaia iai akana baki,+Bwa a aonga ni katea te kaawa are a na maeka iai.+
37 A ununiki n taian tawaana ao a uniki kureebe ni nne ni kureebe,+Ake a karikiuaa.+
38 E kakabwaiaia ao e korakora rikirakeni mwaitiia,Ao e aki kakerikaaka mwaitin aia nanai.+
39 Ma a a manga karako ao ni karinanoakiIbukin te karawawataaki, te rawawatannano, ao te nanokawaki.
40 E kabwaroa te kakanikoaki i aoia bwaanuea,Ao e katiotionakoia n aaba aika aki kona ni maekanaki aika akea kawaia.+
41 Ma e kamanoia* akana maiu ni kainnano mani karawawataaia,+Ao e kabatiaia aia utu n aron te nanai ae rangi ni bati.
42 A nora aei akana raoiroi ao a kimwareirei,+Ma a kaini wia akana buakaka ni kabane.+
43 Ane e wanawana ao e na mutiakini baikai,+Ao e na iaiangoi raoi ana mwakuri Iehova aika kaota ana tangira ae koaua.*+
Taiani Kabwarabwara Mai Nano
^ Ke, “tangira ae kona n onimakinaki.”
^ Ke, “a manga kabooaki.”
^ Ke, “mwaakan.”
^ Ke, “Man otin taai ao mani bungin taai.”
^ Ebera, ne’phesh, nora Nanon Taeka.
^ Ke, “tangira ae kona n onimakinaki.”
^ Ke, “tangira ae kona n onimakinaki.”
^ Ke, “tangira ae kona n onimakinaki.”
^ Ke, “tangira ae kona n onimakinaki.”
^ Ebera, “tekatekaia.”
^ Ke, “kamenaia i eta,” ae kangaanga te roko iai.
^ Ke, “tangira ae kona n onimakinaki.”
