Areru 113:1-9
113 Karaoiroa Iah!*
Aanga te karaoiroi, ngkami aika ana toro Iehova,Karaoiroa aran Iehova.
2 Ke e karaoiroaki aran IehovaMangkai ao n aki toki.+
3 Ke e karaoiroaki aran IehovaMan otin taai ni karokoa bungina.+
4 E rietata Iehova i aoia natannaomata ni kabane,+E mena mimitongina i etani karawa.+
5 Antai ae ai aron Iehova ae Atuara+Are e maeka* n te tabo ae rietata?
6 E bwatiku rikaaki bwa e na taraa karawa ma aonnaba,+
7 E kateirakea ane e mangori man te tano.
E tabeka ane e maiu ni kainnano man te bwariko ni mannang,*+
8 Bwa e aonga ni katekatekaa i rarikia bwaanuea,Ake bwaanuea i buakoia ana aomata.
9 E angan te aine ae kanoabo mwengana,Bwa te tina ae kukukurei ma natina.*+
Karaoiroa Iah!*
Taiani Kabwarabwara Mai Nano
^ Ke, “Areruia!” “Iah” boni kauarerekean te ara ae Iehova.
^ Ke, “tekateka i aon te kaintokanuea.”
^ Ke tao, “te tabo ni maange.”
^ Ebera, “natina mwaane.”
^ Ke, “Areruia!” “Iah” boni kauarerekean te ara ae Iehova.
