Areru 139:1-24
Ibukin te mataniwi n te anene. Ana areru Tawita. Te Anene.
139 Ko a tia n nenerai ngkoe ae Iehova, ao ko ataai.+
2 Ko ataa au tai n tekateka ao au tai n teirake.+
Ko atai au iango mai kiraroa.+
3 Ko tarataraai n au tai ni mwamwananga ao ni wene,Ao ko taneiai ma arou ni kabane.+
4 Imwain ae I taekina te taeka ni wiu,Ao noria! Ko a kaman ataia raoi ngkoe ae Iehova.+
5 Ko otabwaniniai mai moau ao mai bukiu,Ao ko kaaki baim i aou.
6 E a riaon au konabwai* te aeka n atatai anne.
Ao I aki kona n rotia bwa e rangi n rietata.*+
7 N na birinako nakea man taamneim,Ao N na birinako nakea mai matam?+
8 Ngkana I rierake nako karawa, ao ane ko na mena naba ikekei,Ao ngkana I arora nneu ni wene n te Ruanimate,* ao noria! ane ko na mena naba ikekei.+
9 Ngkana tao I kibanako ni bain te karangaina ni kiba,N nako ni maeka i rarikin taari are raroanako,
10 E na kairirai naba baim ikekei,Ao e na tauai baim ae ataim.+
11 Ngkana I kangai: “E na boni karabaai te rotongitong!”
Ao e na riki te bong ae otabwaniniai bwa te oota.
12 E na aki naba rangi n roo iroum te rotongitong,Ma e na oota te bong bwa kaanga te ngaina+Ao titeboo iroum te rotongitong ma te oota.+
13 Bwa ko karaoi au kirine,Ao ko teimatoa n nangoai* i nanoni biroton tinau.+
14 I karaoiroiko ibukina bwa e kakamaakai aroni karaoau n te aro ae kamimi.+
A kamimi am mwakuri,+I* bon ataa raoi aei.
15 A aki raba mairoum riiuNgke I karaoaki n te aro ae raba,Ngke I rarangaaki i kabin te aonnaba.+
16 A norai naba matam ngke I a tibwa beru.
A koreaki bwaina nako i nanon am bokiNi kaineti ma boong ake a moan riki iai,Imwain rikini bwain rabwatau ni kabane.
17 Mangaia are ai kakawakira irou am iango!+
Ao ai batira ikotaia ni kabane, ngkoe ae te Atua!+
18 Ngkana I kataia ni wareki, ao a rangi ni bati riki nakon tanon taari.+
Ngkana I uti ao I boni mena naba i rarikim.*+
19 Te Atua, tera ngke ko tiringia akana buakaka!+
Ao ane a na kitanai iai mwaane aika tiritiri,*
20 Aika a taetae n ekikonako ma nanoia ae buakaka.*
Bon taani kakaaitarako ngaiia aika kabongana aram n te aro ae aki riai.+
21 Tiaki I bon ribaiia akana ribaiko Iehova+Ao n taboribaiia akana karitei nakoim?+
22 Akea riki taekaia irou bwa tii te ribaaki,+A riki bwa taani kairiribai ni koaua nakoiu.
23 Te Atua, nenerai ao ataa nanou.+
Tuoai ao atai tabeaiangan* au iango,+
24 Ao noria bwa iai i nanou te aro ae karuanikai ke akea,+Ao kairirai+ n te kawai ae teimatoa n aki toki.
Taiani Kabwarabwara Mai Nano
^ Ke, “rangi ni kamimi irou.”
^ Ke, “riaon ae I kona n ota iai.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke tao, “rarangaai.”
^ Ebera, ne’phesh, nora Nanon Taeka.
^ Ke tao, “N na bon teimatoa naba ni wareki.”
^ Ke, “katuturaraa.”
^ Ke, “ni kaineti ma aia iango.”
^ Ke, “raraoman.”
