Areru 140:1-13
Ibukin te mataniwi n te anene. Ana anene Tawita.
140 Iehova, kamaiuai mairouia mwaane aika buakaka,Ao kamanoai mairouia mwaane aika iowawa,+
2 Aika a bairea ae buakaka i nanoia,+Ao a kabongnga ni kauekea te itabarara.
3 A taima neweia kaanga n ai aron te naeta,+Ao a mena aia boitin naeta aika baiba i aan riaia.+ (Tiera)
4 Iehova, kamanoai mai nanoni baia akana buakaka,+Kawakinai mairouia mwaane aika iowawa,Ake a bairea kamwaneani waeu.
5 Ao akana kainikatonga a karabaa te bwai ae a na kamwaneai iai,Ma n taakina te karaun ae taian roobu i rarikin te kawai.+
A karaoi taiani kai ni kabwaru ibukiu.+ (Tiera)
6 I kangai nakon Iehova: “Bon Atuau ngkoe.
Ongora n au onnon ni kani buokaki ngkoe ae Iehova.”+
7 Iehova ae te Uea ae Moan te Rietata, ae au tia Kamaiu ae korakora,Ko otangana atuu ni bongin te buaka.+
8 Iehova, tai angania akana buakaka baika a tangiri.
Ao tai kamateraoi aia babaire, bwa a aonga n aki karietataaki. (Tiera)+
9 A bia rabunaki atuia akana otabwaniniaiN te buakaka are a tataekinna riaia.+
10 A bia bwaka ni karau taiani mwaakaro n ai i aoia.+
A bia karenakoaki nako nanon te ai,Nako nanon taiani mwarua aika nano,*+ ao n aki manga otirake.
11 E bia aki reke ana tabo n te aonnaba* te tia uarao.+
Ao a bia kaeaki mwaane aika iowawa ao ni kamateaki iroun te buakaka.
12 I ataia ae e na tei Iehova ibukia akana mangori,Ao n anga te kaetitaeka ae riai nakoia akana maiu ni kainnano.+
13 A na boni karaoiroa aram akana raoiroi,Ao a na mamaeka i matam akana eti nanoia.+
