Areru 142:1-7
Matikiera.* Ana areru Tawita ngke e mena n te nangananga.+ Te tataro.
142 I wetea Iehova ni bwanaau ibukin ana ibuobuoki,+Ao I bubutiia Iehova ni bwanaau ibukin ana akoi.
2 I bunra tabeaiangau i matana,Ao I taekina rawawatau i matana,+
3 Ngke e a nimamate nanou.*
Ao ko tarataraa kawaiu.+
A karabaa te bwai ae a na kamwaneai iai,N te kawai are I nakonako iai.
4 Taraa baiu ae te atai ao noriaBwa akea ae e tabeakinai.*+
Akea te tabo ae I kona ni birinako nako iai,+Ao akea ae e tabeaianga irou.
5 Iehova I weteiko ibukini buokau.
I kangai: “Bon au tabo ni kamanomano ngkoe,+Ao akea riki,* i abaia akana maiu.”
6 Kakauongo nakon tangiu ni kani buokaki,Bwa I a rangi ni karinanoaki.
Kamaiuai mairouia taani bwainikirinai+Bwa a korakora riki nakoiu.
7 Kairai ni kaotinakoai man te matawarikiBwa N na karaoiroa aram.
A bia ikotaki n otabwaniniai akana raoiroi,Ibukina bwa ko akoai.
Taiani Kabwarabwara Mai Nano
^ Nora Nanon Taeka.
^ Ke, “korakorau.”
^ Ebera, “kinaai.”
^ Ebera, “Bon tibwangau.”
