Areru 143:1-12
Ana anene Tawita.
143 Iehova, ongo n au tataro,+Ao ongora n au onnon ni kani buokaki.
Ao kaekaai n am kakaonimaki ao n am raoiroi.
2 Tai katea am toro n te boowi,Bwa bon akea te aomata ae maiu ae kona n raoiroi i matam.+
3 Bwa e kaeai te tia kairiribai,Ao e kamanatuaa maiuu nako aontano.
Ao e kamaekaai n te tabo ae rotongitong n ai aroia ake a a maan ni mate.
4 E a nimamate nanou+Ao e a aki namakinaaba nanou.+
5 I uringi boong ake rimoa,I kananoi au iango i aon am mwakuri ni kabane,+Ao I ingainga n iaiangoa raoi* ana mwakuri baim.
6 I arori baiu nakoim,Titeboo ngai ma te aba ae mwauteretere ibukini bwaruam.+ (Tiera)
7 Bareiko ni kaekaai ngkoe ae Iehova.+
E a roko n tokina korakorau.+
Tai karabaa ubum mairou,+Bwa I kaawa ni katotongia ake a ruo rikaaki nako nanon te mwarua.*+
8 Kariaia bwa N na ongora n te ingabong am tangira ae koaua,*Bwa I onimakiniko.
Kaota nakoiu te kawai ae I riai n nakonako iai,+Bwa boni ngkoe ae I rairaki nakoim.
9 Iehova, kamaiuai mairouia taani kairiribai nakoiu.
I ukera am kamanomano.+
10 Reireinai karaoan nanom,+Bwa bon Atuau ngkoe.
E raoiroi taamneim,Ao e bia kairirai i aon te tano ae aoraoi.*
11 Iehova, kateimatoa maiuu ibukin aram.
Kamaiuai man te rawawata, n am raoiroi.+
12 Karokoia n tokia* taani kairiribai nakoiu,+ n am tangira ae koaua,*Kamaunaia akana karawawataai ni kabane,+Bwa bon am toro ngai.+
Taiani Kabwarabwara Mai Nano
^ Ke, “ukeuke n reirei n.”
^ Ke, “te ruanimate.”
^ Ke, “tangira ae kona n onimakinaki.”
^ Ke, “n aban te raoiroi.”
^ Ebera, “Kainabwabuia.”
^ Ke, “tangira ae kona n onimakinaki.”
