Areru 144:1-15
Ana areru Tawita.
144 Ke e karaoiroaki Iehova ae au Bwaa,+Are e kataneiai baiu nakon te un,Ao tabonibaiu nakon te buaka.+
2 E kaotiota nakoiu te tangira ae koaua,* ao bon au nono ngaia,Au tabo ni kamanomano ae mano raoi* ao te tia kamaiuai,Au otanga ao Teuare I kamanoai irouna,+Boni Ngaia are e kataenikaiia botannaomata i aau.+
3 Iehova, tera te aomata ngkai ko riai n tabe irouna,Ao natin te aomata ae mamate ngkai ko riai ni mutiakinna?+
4 Titeboo te aomata ma kaanga te ikeike ae tii teuana,+Ao ana bong ai aron te nuu ae kai mauna.+
5 Karinanoa* am karawa ao ruuo rikaaki,+Ringi taiani maunga ao kabubui.+
6 Kaitiruaa te iti ao kamaenakoia taani kairiribai,+Katebenakoi kanoan am kainikatebe ao kamangaoia+ taani kairiribai.
7 Arori baim mai eta,Kainaomataai ao kamaiuai man taian nao,Ao mai nanoni baia ianena+
8 Ake a tataekini keewe wia,Ao a katei baia ae te atai n taetae n tuea n te bwai ae kewe.*
9 N na anenea te kuna ae boou nakoim, ngkoe ae te Atua.+
N na anene n neboiko* n te bwai ni katangitang ae tebwina karaina,
10 Nakon Teuare anga te tokanikai* nakoia ueea,+Teuare kamaiua ana toro are Tawita man te kabaang ae kamamate.+
11 Kainaomataai ao kamaiuai mai nanoni baia ianena,Ake a tataekini keewe wiaAo a katei baia ae te atai n taetae n tuea n te bwai ae kewe.
12 A na riki ngkanne natira mwaane bwa kaanga aroka aika tawe rikirakeia,Ao natira aine bwa kaanga bouan te maninganinga aika kaaraki ibukin te baareti.
13 A na on ara auti ni kaikobwai n uaa n aekaia nako,Ao a na mwaiti ara nanai ni man n ara tawaana, n te mwaiti ae nga ma nga, ke tatabebwi tenga.
14 Ao ara kao aika bikoukou, a na aki kabuanibwai ke ni bwaka natiia.
E na akea te tang ibukin te rawawata ni maraen nako ara kaawa.
15 A a kukurei aomata ake aroia aei!
A a kukurei aomata ake Atuaia Iehova!+
Taiani Kabwarabwara Mai Nano
^ Ke, “tangira ae kona n onimakinaki.”
^ Ke, “te tabo ae rietata ae mano raoi.”
^ Ke, “Kabobaraaka.”
^ Ebera, “Ao baia ae te angaatai bon angaatain te kewe.”
^ Ke, “katangitang nakoim.”
^ Ke, “kakamaiu.”
