Areru 147:1-20
147 Karaoiroa Iah!*
E bon raoiroi te anene n nebonebo* nakon Atuara,Ai kakukureira ao ai riaira karaoiroana!+
2 E a katea Ierutarem Iehova,+E ikotiia ni kabane tibun Iteraera ake a kamaenakoaki.+
3 E kabebeteia akana uruaki nanoia,Ao e bautii ikoakia.
4 E wareki mwaitin taian itoi,Ao e weteiia ni kabane n araia.+
5 E kakannato ara Uea ao e korakora mwaakana,+Ao e aki kona ni baireaki ana ataibwai.+
6 E kateirakeia akana nimamannei Iehova,+Ma e tewenakoia akana buakaka nako aontano.
7 Anene ni katituaraoa Iehova,Anene n neboa Atuara ma te abi,
8 Are Teuare rabuna karawa n taian nang,Ao Teuare katauraoa te karau ibukin te aonnaba,+Ao Teuare karaoi uteute bwa a na rikirake+ i aoni maunga.
9 E anga te amwarake nakoia maan,+Ao nakoia reeben aika ataei ake a tangitang ibukini kanaia.+
10 E aki kimwareirei ni korakoran te aoti,+Ao e aki naba anaaki nanona ni korakoran rangan te aomata.+
11 E kukurei Iehova irouia akana maakua,+Ao irouia akana kantaningaa ana tangira ae koaua.*+
12 Neboa Iehova ngkoe ae IerutaremKaraoiroa Atuam ngkoe ae Tion.
13 E kamatoai kaini mataroan oon am kaawa,Ao e kakabwaiaia natim mwaane akana iroum.
14 E uota te raoi nakon am aono,+Ao e kanuaiko n te uita ae te kabanea n raoiroi.*+
15 E kanakoa ana tua nakon te aonnaba,Ao e waekoa n roko ikekei ana taeka.
16 E kanakoa te tino kaanga buraen te tiibu,+Ao e kamaenakoa te aoi ae te aiti n ai aron te mannang.+
17 E kabwakaa ana karau ae te aiti n ai aron tamrurun te kariki.+
Antai ae kona ni kaitaraa ana kamwaitoro?+
18 E kanakoa ana taeka ao e a ran te buraoki.
E kawaia ana ang,+ ao a a raanga raan.
19 E taekin ana taeka nakon IakobaAo ana tua ma ana moti nakon Iteraera.+
20 E tuai mani karaoa te aro aei nakon te natannaomata teuana,+Ao a aki atai ana moti.
Karaoiroa Iah!*+
Taiani Kabwarabwara Mai Nano
^ Ke, “Areruia!” “Iah” boni kauarerekean te ara ae Iehova.
^ Ke, “katangitang.”
^ Ke, “tangira ae kona n onimakinaki.”
^ Ebera, “mwaeten te uita.”
^ Ke, “Areruia!” “Iah” boni kauarerekean te ara ae Iehova.
