Areru 15:1-5
Ana anene Tawita.
15 Iehova, antai ae e na riki bwa te iruwa n am umwanrianna?
Antai ae e na maeka n am maunga ae tabu?+
2 Bon ane e nakonako n aki bure,*+Ae e kakaraoa ae eti,+Ao e tataekina te koaua i nanona.+
3 E aki uarao n newena,+Ao e aki karaoa ae buakaka nakon raona n aomata,+Ao e aki kabwainrangia* raoraona.+
4 E rarawa nakoia te koraki aika rangi ni buakaka,+Ma e karineia te koraki aika maaka Iehova.
E kakororaoa ana berita,* e ngae ngke e na ruanikai iai.+
5 E aki kakatangomwane n ana mwane ma ni bakaonna,+Ao e aki butimwaea te bwai ni kamaraato bwa e na kaitaraa te aomata ae akea ana bure.+
Ane e karaoi baikai ao e na aki kaingingaki.*+
Taiani Kabwarabwara Mai Nano
^ Ke, “ma etin arona.”
^ Ke, “kamaamaeia.”
^ Ebera, “taetae n tuea.”
^ Ke, “e na aki turatura (tatanako).”
