Areru 33:1-22
33 Takarua ni kimwareirei ibukin Iehova ngkami aika kam raoiroi.+
E bon riai te aomata ae raoiroi n anganna karaoiroana.
2 Katituaraoa Iehova n te abiAnene n neboia* n te bwai ni katangitang ae tebwina karaina.
3 Anenea te kuna ae boou nakoina,+Ao katangi bwaai ni katangitang aika iai karaiia ma te rabakau, n irianaki ma te takarua ni kimwareirei.
4 Bwa e eti ana taeka Iehova,+Ao a kona n onimakinaki baike e karaoi ni kabane.
5 E tangira te raoiroi ao te kaetitaeka ae riai.+
E buta aonnaba n ana tangira ae koaua* Iehova.+
6 E karaoaki karawa n ana taeka Iehova,+Ao a karaoaki bwaai ni kabane ake iai* n ikeni* wina.
7 E ikotii ranin taari kaanga i nanon te oo,+Ao e kaaki naao n taian auti ni kaikobwai.
8 Ke a maaka Iehova kaain te aonnaba ni kabutaa.+
Ao ke a karinea taani maeka n te aba ae maiureirei.
9 Bwa e taetae ao e koro nanona,+Ao e tua ao e bon riki.+
10 E kamangaoi aia waaki* natannaomata Iehova,+Ao e tokobitoi aia babaire* botannaomata.+
11 Ma a na teimatoa n aki toki ana moti* Iehova,+Ao ana iango nanona man te roro teuana nakon teuana.
12 E a kukurei te natannaomata ae Atuana Iehova.+
Ae te botannaomata ae e rineia bwa ana aomata.+
13 E taratara mai karawa Iehova,Ao e bane n noriia natiia aomata.+
14 E tarataraiia kaain te aonnabaMan ana tabo ni maeka.
15 Boni ngaia ae e karaoi nanoia ni kabane,Ao e neneri aia mwakuri ni kabane.+
16 Akea te uea ae kamaiuaki n te taanga ni buaka ae bubura.+
Ao e aki kamaiuaki te aomata ae korakora ni korakorana ae bati.+
17 Ni kaineti ma te kamaiuaki,* bon te bwai ae mwamwanaa te aba te aoti,+E aki kona ni karekea te kainaomataaki korakorana ae bati.
18 Noria! E tarataraiia akana maakua matan Iehova,+Ake a kakantaningaa ana tangira ae koaua,*
19 Bwa e na kainaomataia man te mate,Ao ni kateimatoai maiuia n tain te rongo.+
20 Ti* kakantaningaa Iehova.
Bon te tia buokira ao ara otanga.+
21 A kakatonga nanora irouna,Bwa ti onimakina arana ae tabu.+
22 E bia tiku i aora am tangira ae koaua* ngkoe ae Iehova,+Ngkai ti teimatoa ni kantaningaiko.+
Taiani Kabwarabwara Mai Nano
^ Ke, “Katangitang nakoina.”
^ Ke, “tangira ae kona n onimakinaki.”
^ Ebera, “taanga ni kabane ake iai.”
^ Nora Nanon Taeka, “Taamnei.”
^ Ke, “kantaninga.”
^ Ke, “iango.”
^ Ke, “kantaninga.”
^ Ke, “Ibukin te tokanikai.”
^ Ke, “tangira ae kona n onimakinaki.”
^ Ebera, ne’phesh, nora Nanon Taeka.
^ Ke, “tangira ae kona n onimakinaki.”
