Areru 35:1-28
Ana areru Tawita.
35 Ngkoe ae Iehova, boutokaa tangiu ni kaaitaraia taani kakaitaraai,+Ao buakania akana buakanai.+
2 Katea am otanga ae uarereke* ao ae bubura,+Ao teirake ni kamanoai.+
3 Tabekaarake am kainiwai ma am tanai ni buaka,* ni kaaitaraia akana kaeai.+
Ao kangai nakoiu: “Boni ngai te tia kamaiuko.”+
4 Ke a kamaamaeaki ao ni karinanoaki akana ukoukora maiuu.*+
Ao ke a mumun rikaaki ma te bwaibwainrang akana bairea kamaunaakiu.
5 Ke a riki bwa kaanga kunin te uita n unin te ang,Ao ke e kakioianako ana anera Iehova.+
6 Ke e roo ma ni maranran kawaiaNgkai e kaeiia ana anera Iehova.
7 Bwa a karabaa te karaun bwa a na kamwaneai n akea bukina,Ao a kena te mwarua imwaiu n akea bukina.
8 Ke e rina ni bwakaria te kabuanibwai,Ao ke e mwane n te karaun are e karabaa,Ao ke e bwaka i nanona ma ni kamaunaaki.+
9 Ma N na kakatonga iroun Iehova,Ao N na kimwareirei n ana mwakuri ni kakamaiu.
10 A na bane ni kangai riiu:
“Antai ae ai arom ngkoe ae Iehova?
Ko kamaiuia akana akea korakoraia mairouia akana korakora,+Ao akana akea korakoraia ma akana maiu ni kainnano mairouia taani kuribwaiia.”+
11 A keerake taani kakoaua aika iowawa,+N titirakinai baika I aki atai.
12 A karaoa ae buakaka nakoiu ni kabooa mwin ae raoiroi,+Ma ni kananokawakai.
13 Ma ngkana a mamaara ao I kunnikaiai n te raerobwa,*I karawawataai n arou n aki mamatam,Ao e okirai au tataro n aki kaekaaki,*
14 I ririaki n tanginiwenei kaanga ibukin raoraou ke oin tariu,I bobaraaki ma te nanokawaki kaanga te aomata ae tanginiweneia tinana.
15 Ma ngkana I tatanako, ao a kimwareirei ao a bane n ikotaki,A bane n ikotaki bwa a na karanai ni kabwakaai,A raebitiai ao a aki teimatoa ni kainabwabu.
16 A bwainnataeai ni kakanikoai akana aki karinea te Atua,*A tenai bukini mwangaia ni kaitaraai.+
17 Ai tii maanra riki ngkoe Iehova ni mamataku?+
Kamaiuai man niniakiu irouia+Ao kamanoa maiuu* ae rangi ni kakawaki mairouia raian aika ataei.+
18 Ao N na katituaraoiko i buakon te botaki n aomata ae rangi ni bati kaaina.+
Ao N na karaoiroiko i buakoia aomata aika uanao.
19 Tai kariaia akana kairiribai nakoiu n akea bukina, bwa a na kakatonga ibukin rawawatau.
Ao tai kariaia akana ribaai n akea bukina,+ bwa a na kakekeei mataia ma te iowawa.+
20 Bwa a aki taekin taeka aika karekea te rau,Ma a teimatoa ni babairei keewe ni kaaitaraia aomata aika maeka n rau i aon te aba.+
21 A kauremangangaai wia ni bukinai,Ao a kangai: “Ee! Ee! A a tia n noria matara.”
22 Ko nora te baei ngkoe ae Iehova. Tai teimatoa ni kainabwabu.+
Tai kararoako mairou ngkoe ae Iehova.+
23 Uti ao teirake ni kamanoai,Iehova ae Atuau, teei ibukiu n au tangitang.
24 Motika taekau ni kaineti ma am raoiroi+ Iehova ae Atuau,Tai kariaia bwa a na kakatonga ibukin rawawatau.
25 Ke a tai kangai i bon irouia: “Ee! Ee! E a reke te baere ti tangiria.”
Ao ke a tai kangai: “Ti a tia n onga teuaei.”+
26 Ke a bane ni kamaamaeaki ao ni bwaibwainrangAkana kakatonga ibukin rawawatau,Ao ke a kunnikaiaki n te kamaamaeaki ma te karinanoaki akana karietataia i aou.
27 Ma ke a takarua ni kimwareirei akana karekei kukureia n au raoiroi,Ao ke a teimatoa ni kangai,“Ke e kamoamoaaki Iehova are kukurei ngkana e rau ana toro.”+
28 Ao e na manga taekina* am raoiroi neweu,+Ao e na karaoiroiko ni kabongnga.+
Taiani Kabwarabwara Mai Nano
^ Te otanga ae uarereke ae uouotaki irouia taani katebe.
^ Ke, “te tanai ae kiriuoua wina.”
^ Ebera, ne’phesh, nora Nanon Taeka.
^ Ke, “e oki nako aoni bwanibwaniu.”
^ Nora Nanon Taeka.
^ Ke tao, “A kakaniko akana aki karinea te Atua ibukin te amwarake ae tii teutana.”
^ Ebera, ne’phesh, nora Nanon Taeka.
^ Ke, “kananoa ana iango i aon.”
