Areru 44:1-26
Te kaetieti nakon te mataniwi n te anene. Aia areru natini Kora+ aika mwaane. Matikiera.*
44 Ngkoe ae te Atua, ti a tia n ongo n taningara,A karakini nakoira ara bakatibu+Mwakuri ake ko kakororaoi n aia bong,Ni boong ake ngkoangkoa.
2 Ko kakioianako natannaomata ni baim,+Ao ko kamaekaia ara bakatibu iai.+
Ko kamanatuaia natannaomata ao ko kakioianako.+
3 Tiaki n oin aia kabaang ae a abana iai te aba,+Ao tiaki n oini baia ae a uotiia iai nakon te tokanikai.+
Ma boni mani baim ane te atai,+ ao korakoram, ao ootan ubum,Bwa ko kukurei irouia.+
4 Bon au Uea ngkoe te Atua,+Ko na tua* te tokanikai ni koaua* ibukin Iakoba.
5 Ti na kaokiianako taani kakaaitaraira ni mwaakam,+Ti na toubekaiia n aram te koraki ake a teirake n ekiranako.+
6 Bwa I aki onimakina au kainikatebe,Ao e aki kona ni kamaiuai au kabaang.+
7 Boni ngkoe ae ko kamaiuira mairouia taani kakaaitaraira,+Ao ngkoe ae ko kabwainrangia te koraki ake a riribaira.
8 Ti na karaoiroa te Atua ni kabongnga,Ao ti na katituaraoa aram n aki toki. (Tiera)
9 Ma ko a tewenakoira ngkai ao ni kabwainrangira,Ao ko aki otinako n raonia ara taanga ni buaka.
10 Ko aki toki ni karaoira bwa ti na mumun rikaaki mairoun te tia kakaaitaraira,+Ao a anai baike a bon tangiri te koraki ake a riribaira.
11 Ko anga ngaira bwa ti na kabwautaki n aron te tiibu,Ko kamaenakoira i buakoia natannaomata.+
12 Ko kaboonakoia am aomata n te boo ae uarereke,+Ao akea am raka man are ko kaboonakoa.*
13 Ko karaoira bwa te bwai ni bwainingareaki irouia kaain rarikira,Te bwai ni bwainingareaki ao ni kakanikoaki irouia te koraki nako ake a otabwaninira.
14 Ko karaoira bwa te bwai ni kakanikoaki* i buakoia natannaomata,+Te bwai ae a na ioioi atuia nako iai botannaomata.
15 I bwaibwainrang ni kabongnga,Ao I taonakinako ni kamaamaeau,
16 Ni bwanaaia ni kakaniko ao ni kaunun,Ibukina bwa e irantanga ni karekekai ane e kairiribai nakoira.
17 E bane n roko aei iroura, ma ti bon aki mwanuokiniko,Ao ti aki urua am berita.+
18 A aki rairakinako nanora,Ao a aki tibanako nakonakora mani kawaim.
19 Ma ko kamanatuaira ike a mamaeka iai tiakaore,*Ko rabunira n te rotongitong ae korakora.
20 Ngkana ti a tia ni mwaninga aran Atuara,Ke ngkana ti taakini baira n tataro nakon te atua temanna ae ianena,
21 Ao tiaki e na ataa aei te Atua?
E atai baika raba aika n te nano.+
22 Bwa ti kaaitara ma te mate ibukim ni kabongnga,Ti iangoaki bwa tiibu aika nang kamateaki.+
23 Ko na teirake. E aera ngkai ko teimatoa ni matu, Iehova?+
Ko na uti! Tai teimatoa n tewenakoira n aki toki.+
24 E aera ngkai ko karabaa matam?
E aera ngkai ko mwaninga karawawataara ma bwainikirinara?
25 Bwa ti* karuoaki rikaaki nakon te tano,A kaiinakoaki rabwatara n te tano.+
26 Teirake bwa te tia buokira ngkoe!+
Kamaiuira* ibukin am tangira ae koaua.*+
Taiani Kabwarabwara Mai Nano
^ Nora Nanon Taeka.
^ Ke, “anga.”
^ Ke, “te kakamaiu ae korakora.”
^ Ke, “ni booia.”
^ Ebera, “te taeka n rabakau.”
^ Nora Nanon Taeka, “Maan.”
^ Ebera, ne’phesh, nora Nanon Taeka.
^ Ebera, “Manga kabooira.”
^ Ke, “tangira ae kona n onimakinaki.”
