Areru 51:1-19
Te kaetieti nakon te mataniwi n te anene. Ana anene Tawita ngke e kawaria Natan are te burabeti, ngke e a tia ni wene n taanga Tawita ma Batateba.+
51 Ko na akoai, ngkoe ae te Atua, ni kaineti ma am tangira ae koaua.*+
Kamaunai au kairua ni kaineti ma am nanoanga ae rangi ni bati.+
2 Tebokai raoi man au kairua+Ao kaitiakai man au bure.+
3 Bwa I atai raoi au kairua,Ao e teimatoa ni mena i matau* au bure.+
4 I boni bure, ao ai moarara riki I boni bure nakoim,*+I a tia ni karaoa te bwai ae buakaka i matam,+Mangaia are ko eti ngkana ko taetae,Ao ko eti n am motikitaeka.+
5 Noria! I a tia n ituaki n te bure ngke I bungiaki,Ao e bikoukouai tinau i nanon te bure.*+
6 Noria! E kakukureiko noran te koaua ae mena n te nano ae raba,+Reireina nanou ae raba n te wanawana ae koaua.
7 Kaitiakai man au bure n te utoba,* bwa I aonga n itiaki,+Tebokai bwa I aonga ni mainaina riki nakon te tino.+
8 Kariaia bwa N na ongo te karongoa ni kimwareirei ao ni kakatonga,+Bwa a aonga ni kakatonga taian ri ake ko kamanatuai.
9 Katannakoa matam* man au bure,+Ao kamaunai* au kairua ni kabane.+
10 Karika i nanou te nano ae itiaki, ngkoe ae te Atua,+Ao karina i nanou te iango* ae boou,+ ae teimatoa.
11 Tai teweainako mai matam,Ao tai uotaanako taamneim ae raoiroi mairou.
12 Kaoka nakoiu te kimwareirei n am kakamaiu,+Ao kauekea i nanou te kan ongeaba iroum.*
13 N na reireinia taan riaon te tua kawaim nako,+Bwa a aonga n rairaki nakoim taani bure.
14 Kamaiuai man te bure ni katuturaraa,+ ngkoe ae te Atua, ae te Atua ae te tia kamaiuai,+Bwa e aonga ni kimwareirei neweu n tataekina raoiroim.+
15 Kauki riau ngkoe ae IehovaBwa e aonga n tataekina karaoiroam wiu.+
16 Bwa ko aki tangira te karea—ao ngke ngkai N na bon anga,+Ao e aki reke kimwareireim ae bati n te karea ae kabuekaki ae bwanin.+
17 Karea aika kakukureia te Atua bon te nanomaraki,Ko na bon aki rawa* nakon te nano ae uruaki ao ae karawawataaki, ngkoe ae te Atua.+
18 Karaoa te bwai ae raoiroi ibukin Tion, n am akoi,Kamatoaa oon Ierutarem.
19 Ane ko na rangi ni kimwareirei ni karea aika raoiroi,Aika karea ni kabuekaki ma karea aika bwanin,Ao a na kareanaki kaao mwaane i aon am baonikarea.+
Taiani Kabwarabwara Mai Nano
^ Ke, “tangira ae kona n onimakinaki.”
^ Ke, “n au iango.”
^ Ebera, “tii ngkoe.”
^ Ke, “Ao iai irou te bure man te tai are I bikoukouaki iai iroun tinau.”
^ Nora Nanon Taeka.
^ Ke, “Karabaa matam.”
^ Ke “kanakoi.”
^ Ke, “te nano, te bwai ae e kani karaoia te nano.”
^ Ebera: “Ko bia boutokaai ma te nano ni kan ongeaba.”
^ Ke, “ribaa.”
