Areru 56:1-13
Te kaetieti nakon te mataniwi n te anene ae “Te Taobe ae Kainabwabu ae Raroanako.” Ana areru Tawita. Mikitam.* Ngke e tauaki irouia I-Biritia i Kate.+
56 Ko na akoai ngkoe ae te Atua, bwa e niniai* te aomata ae mamate.
A teimatoa ni buakanai ni kabongnga ma ni karawawataai.
2 A ekainako akana kairiribai nakoiu ni kabongnga,Ao a bati aika a kainikatonga ni buakanai.
3 N te tai are I maaku+ iai ao I onimakiniko.+
4 I karaoiroa ana taeka te Atua,I onimakina te Atua, I aki maaku.
Tera ae e kona ni karaoia te aomata* nakoiu?+
5 A uruani baika I nano iai ni kabongnga,Ao akea riki aia iango ma tii te kani kammarakai.+
6 A karabaia bwa a na niniai,A taratarai mwanekau nako,+Ni kantaningaia bwa a na anaa maiuu.*+
7 Raawa nakoia ibukini buakakaia,Kabwakaia natannaomata n unim, ngkoe ae te Atua.+
8 Ko taui mwin tiotionakou.+
Ikotii rannimatau n am kunniman ae nnen te ran.+
Tiaki a koreaki mwia i nanon am boki?+
9 A na mumun rikaaki akana kairiribai nakoiu n te bong are I wewete iai ibukini buokau.+
Akea au nanokokoraki n aei: e boni mena te Atua n au itera.+
10 I karaoiroa ana taeka te AtuaI karaoiroa ana taeka Iehova
11 I onimakina te Atua, I aki maaku.+
Tera ae e kona ni karaoia te aomata nakoiu?+
12 I kabaeaki n au taeka ni bau nakoim ngkoe ae te Atua,+N na anganiko au karea ni katituaraoi.+
13 Bwa ko kamaiuai man te mate+Ao ko totokoi waeu bwa a na aki tatanako,+Bwa I aonga n nakonako i matan te Atua n aia oota akana maiu.+
Taiani Kabwarabwara Mai Nano
^ Nora Nanon Taeka.
^ Ke, “ekainako.”
^ Ebera, “te iriko.”
^ Ebera, ne’phesh, nora Nanon Taeka.
