Areru 57:1-11
Te kaetieti nakon te mataniwi n te anene ae “Tai Kamauna.” Ana areru Tawita. Mikitam.* Ngke e birinako mairoun Tauro nako nanon te nangananga.+
57 Ko na akoai ngkoe ae te Atua, ko na akoai,Bwa I kamanoai iroum,+Ao I kamanoai i aan nuuni baim ni kiba ni karokoa ae a nako kangaanga.+
2 I wewete nakon te Atua, are Teuare Moan te Rietata,Nakon te Atua ae koaua ae karokoia n tokia ibukiu.
3 E na kanakoa te ibuobuoki mai karawa ni kamaiuai.+
E na kamangaoa te aomata ae ekainako. (Tiera)
E na kanakoa te Atua ana tangira ae koaua* ma ana kakaonimaki.+
4 I* otabwaniniaki irouia raian,+I riai ni wene i buakoia mwaane aika kani kabwautai,Aika kainiwai ma kanoani kainikatebe wia,Ao te kabaang ae kakang neweia.+
5 Ko na karietataaki i etani karawa ngkoe ae te Atua,Ao ke e buta te aonnaba ni kabutaa ni mimitongim.+
6 A katauraoa te karaun bwa a na kamwanei waeu,+I* a bobaraaki n te rawawata.+
A kena te mwarua imwaiu,Ma a a manga boni bwaka ngaiia i nanona.+ (Tiera)
7 E teimatoa nanou te Atua,+E teimatoa nanou.
N na anene ma ni katangitang.
8 Ko na uti, ngkoe ae nanou.
Ko na uti ngkoe te bwai ni katangitang ae iai karaina, ao ngkoe naba te abi.
N na utimwaaka n te karangaina.+
9 N na karaoiroiko i buakoia botannaomata ngkoe ae Iehova,+N na anene n neboiko* i buakoia natannaomata.+
10 Bwa e korakora am tangira ae koaua,* ao e rietata n aroni karawa,+Ao e rokoroko i annang am kakaonimaki.
11 Ko na karietataaki i etani karawa ngkoe ae te Atua,Ao ke e buta te aonnaba ni mimitongim.+
Taiani Kabwarabwara Mai Nano
^ Nora Nanon Taeka.
^ Ke, “tangira ae kona n onimakinaki.”
^ Ebera, ne’phesh, nora Nanon Taeka.
^ Ebera, ne’phesh, nora Nanon Taeka.
^ Ke, “katangitang nakoim.”
^ Ke, “tangira ae kona n onimakinaki.”
