Areru 65:1-13
Te kaetieti nakon te mataniwi n te anene. Ana areru Tawita. Te anene.
65 E mena imwaim te karaoiroaki ngkoe ae te Atua, i Tion,+Ti na kakororaoi ara taeka ni bau nakoim.+
2 Ngkoe ae te tia Ongo te tataro, a na kawariko aomata n aekaia nako.*+
3 A a taonainako au kairua.+
Ma ko rabuni ara bure.+
4 E a kukurei te aomata ane ko rineia ao ko katikia ni kaania,Bwa e na maeka n am katawanang.+
Ti na bon rauaki n raoiroin am auti,+Ae am tembora ae tabu.*+
5 Ko na kaekaira ni mwakuri aika raoiroi aika kamimi ma ni kakamaaku,+Ngkoe ae te Atua ae ara tia kamaiu,Boni ngkoe Teuare onimakinaki irouia kaain tabon aonnaba ni kabane,+Ao akana mena n taabo aika raroanako i taari.
6 Ko* katei maunga ni kamatoai ni korakoramKo* kunnikaiaki n te mwaaka.+
7 Ko* katoka buakan taari,+Ao rurungaan naona ma kiriweia natannaomata.+
8 A na kubanrou n am kanikina taani maeka n taabo aika raroanako,+Ao ko na karaoiia ake a mena n otin taai ao ni bungin taai bwa a na takarua ni kimwareirei.
9 Ko tabeakina te aonnaba,Ko karikia bwa e na karikii uaa aika bati* ao e na mari.+
E on te karaanga are mairoun te Atua n te ran,Ko katauraoa te uita* ibukia,+Bwa bon anne arom ni katauraoa te aonnaba.
10 Ko kamwaimwai tanona aika kamarauaki ao ko kaboraoi.
Ko kamarauraua ni bwakan te karau ao ko kakabwaiaa rikirakena.+
11 Ko bauna te ririki n am raoiroi,Ao a taonako baika raraoi i nanoni kawaim.+
12 E bati* te uteute ae aomwaimwai n tawaanan te rereua,+Ao a kunnikaiaki taian tabuki n te kimwareirei.+
13 A buta tawaana n taian nanai ni man,Ao a rabunaki taiani mwarua* n te uita.+
A takarua n tokanikai, eng, a anene.+
Taiani Kabwarabwara Mai Nano
^ Ebera, “iriko ni kabane.”
^ Ke, “tabo ae tabu.”
^ Ebera, “E.”
^ Ebera, “E.”
^ Ebera, “E.”
^ Ke, e kona n nanona “te baare.”
^ Ebera, “kaonrakea.”
^ Ebera, “timtim.”
^ Ke, “taabo aika aoraoi aika mena n te mwarua.”
