Areru 74:1-23
Ana matikiera* Ataba.+
74 E aera ngkai ko rawa nakoira n aki toki, ngkoe ae te Atua?+
E aera ngkai e a ura* unim n ekaanako tiibun am tawaana?+
2 Uringa te botannaomata* are ko kabooa ngkoa,+Te baronga are ko a manga kabooa bwa tibwangam.+
Uringa te Maunga ae Tion are ko maeka iai.+
3 Naako nakon te tabo ae uruaki n aki toki.+
E a tia te tia kairiribai n urui bwaai ni kabane ake n te tabo ae tabu.+
4 A bekorara akana kairiribai nakoim i nanon am tabo ni botaki.+
A katei oin aia kanikina ikekei bwa taiani kanikina.
5 Titeboo ngaiia ma mwaane aika erea te buakonikai ae matenten n taian tanai.
6 A urui n aia tanai ma aia kai aika biiti bwaai ni kabane ake a kaaraki ni kataneaki i aon te tabo ni botaki.+
7 A kabueka am tabo ae tabu n te ai.+
Ao a kamwaraea te umwanrianna ae tabu* ae karinea aram, ma ni kabwakaa i aontano.
8 Ao a kangai i nanoia ngaiia ma kanoaia:
“A na bane ni kabuekaki ana tabo ni botaki te Atua* aika i aon te aba.”
9 Akea kanikina ibukira aika ti nori,Ao ai akea riki te burabeti,Ao akea i buakora ae e ataia bwa e na maanra te baei.
10 Te Atua, e na maanra te tia kakaaitara n teimatoa ni kakaniko?+
E na aki karinea aram n aki toki te tia kairiribai?+
11 E aera ngkai ko a taua baim, ae ataim?+
Kaotinakoa mani bwanibwanim* ao karokoia n tokia.
12 Ma bon au Uea mangkoa te Atua,Are ngaia ae e karaoi mwakuri ni kakamaiu i aon te aonnaba.+
13 o kamarebua taari ni korakoram,+Ko orei atuia manin taari aika totoakaei aika i marawa.
14 Ko kamanatuai atun te Ribaietan.*
Ao ko anga bwa kanaia aomata akana maeka n taian rereua.
15 Ko katabwenai kawain taiani koburake n ran ma karaanga n ran.+
Ko kabwatakatakai karaanga aika teimatoa n raanga.+
16 Am bwai te ngaina ao te bong naba.
Ko karaoa te oota ao taai.+
17 Ko katei tian nako te aonnaba,+Ko karaoa tain te kabuebue ao tain te kamwaitoro.+
18 Uringi ana kakaniko te tia kairiribai, ngkoe ae Iehova,Ao aron te botannaomata ae nanobaba n aki karinea aram.+
19 Tai anga maiun* am taobe nakoia maan aika tiritiri.
Tai mwanuokini n aki toki maiuia am aomata aika karawawataaki.
20 Uringa te berita,Bwa a onrake taabo aika rotongitong n te aonnaba ni nneia ni maeka taan iowawa.
21 E bia aki tannako ma te rawawatannano ane e karawawataaki.+
A bia karaoiroa aram akana mangori ma akana maiu ni kainnano.+
22 Teirake ngkoe ae te Atua, ao karekea te kaetitaeka ae riai ibukim.
Uringi aroia akana nanobaba ni kakanikoko ni kabongnga.+
23 Tai mwaninga te bwai ae a taekinna akana kairiribai nakoim.
E teimatoa n rierake karongoaaia akana kaaitarako.
Taiani Kabwarabwara Mai Nano
^ Nora Nanon Taeka.
^ Ebera, “buburake.”
^ Ebera, “am botaki n aomata.”
^ Nora Nanon Taeka.
^ Ke, “taabo nako ike e taromauriaki iai te Atua.”
^ Ke, “man rabin am kunnikai ae rukumakirake.”
^ Nora Nanon Taeka.
^ Ebera, ne’phesh, nora Nanon Taeka.
