Areru 82:1-8
Ana anene Ataba.+
82 E tei te Atua n ana botaki ae tabu.+
E motikitaeka i buakoia atua*+ ni kangai:
2 “Kam na maanra ni motikitaeka ma te ribuaka,+Ao ni kaotiota te inanonano nakoia aomata aika buakaka?+ (Tiera)
3 Teei ibukia* aika mangori ao ibukia naake akea tamaia.+
Karaoa te kaetitaeka ae riai nakoia naake akea korakoraia ao ake a maiu ni kainnano.+
4 Kamaiuia akana mangori ao akana maiu ni kainnano,Kainaomataia mai nanoni baia akana buakaka.”
5 A aki atatai ke n ota.+
A nanakonako i nanon te rotongitong,A bane n ruru aan te aonnaba.+
6 “I taku, ‘Bon atua* ngkami,+Bon natin Teuare Moan te Rietata ngkami ni kabane.
7 Ma kam na boni mate n aroia mwaane,+Ao kam na bwaka n aroia natinuea mwaane ake tabemwaang!’”+
8 Teirake ngkoe ae te Atua, ao motika taekan te aonnaba,+Bwa bon am bwai natannaomata ni kabane.
Taiani Kabwarabwara Mai Nano
^ Ke, “te koraki aika ai aroia atua.”
^ Ke, “Motiki taekaia.”
^ Ke, “Ai aroia atua.”
