Areru 83:1-18
Te anene. Ana areru Ataba.+
83 Ngkoe ae te Atua, tai kainabwabu,+E na tai bae newem* ao tai kainabwabu ngkoe ae te Atua.
2 Bwa noria! a a kiriwe+ akana kairiribai nakoim,A kaota te kainikatonga* akana riribaiko.
3 A karaba ni babaire ma te nanowanawana n ekiianako am aomata,A boraraoi n ekiianako am aomata aika kakawaki iroum.*
4 A taku: “Nakomai bwa ti na kamauna te natannaomata ae Iteraera,+Bwa e aonga ni mwanuokinaki taekaia n aki toki.”
5 A karioi aia babaire ae a nanoteuana iai,*A karaoa aia boraraoi* n ekikonako,+
6 Tibun Etom ao tibun Itimaera* ao Moaba+ ao tibun Aka,+
7 Kebara ao Ammon+ ao Amareka,Ao I-Biritia+ n ikotaki ma kaain Turo.+
8 E raonia naba Aturia,+Ao a anga te boutoka nakoia* tibun Rota.+ (Tiera)
9 Karaoa nakoia are ko karaoia nakoni Mirian,+Ao are ko karaoia nakon Titera ao Iabin n te karaanga* are Kition.+
10 A kamaunaaki i Entora,+Ao a a riki bwa ai aron nakotaarin te man i aontano.
11 Karaoiia aia toka n ai aron Ooreba ma Teebi,+Ao aia toka* n ai aron Teba ma Taremunna,+
12 Bwa a taku: “Ti na abana te aba are e maeka iai te Atua.”
13 Ngkoe ae Atuau, karaoiia n ai aron te uteute ae rai ae ubaranako,+Ao n ai aron te uteute ae mwau ae ukakinako n te ang.
14 N ai aron te ai ae kauraa te buakonikai,Ao n ai aron te ura ae kabueki maunga,+
15 Bwa ko aonga ni kaeiia n am ukeukennanti+Ao ni kakamaakuia n am angibuaka.+
16 Rabuna* ubuia n te kamaamaeaki,Bwa a aonga n ukoukora aram, ngkoe ae Iehova.
17 Ke a kamaamaeaki ma ni kakamaakaki n aki toki,Ke a bwaibwainrang ma ni mate.
18 Ke a ataiko aomata ae Iehova aram,+Bwa bon tii ngkoe Teuare Moan te Rietata n te aonnaba ni kabutaa.+
Taiani Kabwarabwara Mai Nano
^ Ke, “Ko na teimatoa n taetae.”
^ Ke, “A euti atuia.”
^ Ebera, “am koraki aika karabaaki.”
^ Ebera, “A kaboowi ma te nano ae tii teuana.”
^ Ke, “berita.”
^ Ebera, “Ana umwanrianna nako Etom ao tibun Itimaera.”
^ Ebera, “riki bwa anganibaia.”
^ Ke, “te mwarua.”
^ Ke, “aia mataniwi.”
^ Ebera, “Kaona.”
