Areru 86:1-17
Ana tataro Tawita.
86 Katanimaia taningam* ngkoe ae Iehova, ao kaekaai,Bwa I karawawataaki ao I maiu ni kainnano.+
2 Kawakina maiuu* bwa I kakaonimaki ni koaua.+
Kamaiua am toro ae onimakiniko,Bwa bon Atuau ngkoe.+
3 Ko na akoai, ngkoe ae Iehova,+Bwa I weweteiko ni kabongnga.+
4 Kakimwareireia am toro,Bwa boni ngkoe ae I rairaki nakoim, ngkoe ae Iehova.
5 Bwa ko raoiroi ngkoe ae Iehova,+ ao ko tauraoi ni kabwarabure,+E bati am tangira ae koaua* ibukia te koraki ni kabane ake a weteiko.+
6 Ongora n au tataro ngkoe ae Iehova,Ao kakauongo nakon au onnon ni kani buokaki.+
7 I weteiko ni bongin rawawatau,+Bwa ko na boni kaekaai.+
8 Bon akea n ai arom i buakoia atua, ngkoe ae Iehova,+Ao akea mwakuri aika ai aron am mwakuri.+
9 A na bane natannaomata aika ko karaoiiaN roko ni bobaraaki i matam ngkoe ae Iehova,+Ao a na neboa aram.+
10 Bwa ko kakannato ao ko karaoi baika kamimi,+Bon te Atua ngkoe, n tii ngkoe.+
11 Reireinai ngkoe ae Iehova ni kawaim.+
N na nakonako n am koaua.+
Katiteuanaa nanou* bwa e na maaka aram.+
12 I karaoiroiko ngkoe ae Iehova ae Atuau, ma nanou ni kabane,+Ao N na neboa aram n aki toki.
13 Bwa e korakora nakoiu am tangira ae koaua,*Ao ko kamaiuai mai kabin te Ruanimate.*+
14 Te Atua, a teirake n ekainako mwaane aika kan rarabakau.+
A ukoukora anaakini maiuu* te koraki ni mwaane aika akea aia nanoanga,Ao a aki mutiakiniko.*+
15 Ma ngkoe ae Iehova, bon te Atua ae nanoanga ao e atataiaomata,*E iremwe n un ao e bati irouna te tangira ae koaua* ao te kakaonimaki.*+
16 Rairaki nakoiu ao akoai.+
Aanga korakoram nakon am toro,+Ao kamaiua natin am toro te aine.
17 Kaota nakoiu kanikinaean* raoiroim,Bwa a aonga n noria te koraki ake a ribaai ao a na kamaamaeaki.
Bwa bon au tia ibuobuoki ao au tia kabebetenano, ngkoe ae Iehova.
Taiani Kabwarabwara Mai Nano
^ Ke, “Ko na baraaki n ongora.”
^ Ebera, ne’phesh, nora Nanon Taeka.
^ Ke, “tangira ae kona n onimakinaki.”
^ Ke, “Anganai te nano ae aki nanououa.”
^ Ke, “tangira ae kona n onimakinaki.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “aki kaakiko i mataia.”
^ Ebera, ne’phesh, nora Nanon Taeka.
^ Ke, “akoi.”
^ Ke, “te tangira ae kona n onimakinaki.”
^ Ke, “ao te koaua.”
^ Ke, “kakoauaan.”
