Areru 87:1-7
-
Tion ae ana kaawa te Atua ae koaua
-
Naake a bungiaki i Tion (4-6)
-
Aia areru natini Kora+ aika mwaane. Te areru. Te anene.
87 E mena aan ana kaawa ni maunga aika tabu.+
2 E tangiri riki mataroan oon Tion+ Iehova,Nakon ana umwanrianna ni kabane Iakoba.
3 A taekinaki taekam aika kamimi, ngkoe ae ana kaawa te Atua ae koaua.+ (Tiera)
4 N na wareka Raaba*+ ao Baburon i buakoia ake a ataai,*Nora naba Biritia ao Turo n ikotaki ma Kuti.*
E na taekinaki ae kangai: “E bungiaki te aomata aei ikekei.”
5 Ao e na taekinaki ae kangai ibukin Tion:
“A bungiaki n tatabemania nako ao ngaiia ni kabane, i nanon neiei.”
Ao Teuare Moan te Rietata e na kateimatoa neiei.
6 E na taekina ae kangai Iehova ngkana e taui mwia botannaomata:
“E bungiaki te aomata aei ikekei.” (Tiera)
7 A na taekina ae kangai taan anene+ ma taani mwamwaie ni kakatobibi:+
“A bane au koburake n ran ni mena i nanom.”*+
Taiani Kabwarabwara Mai Nano
^ Tao e kaineti aei nakon Aikubita.
^ Ke, “a mutiakinai.”
^ Ke, “Itiobia.”
^ Ke, “Irou, bon nibwani bwaai ni kabane ngkoe.”
