Areru 95:1-11
95 Nakomai bwa ti na takarua ni kimwareirei nakon Iehova!
Ti na takarua ibukin te tokanikai nakon ara Bwaa ni kakamaiu.+
2 Ti na roko i matana* ma te katituaraoi,+Ti na anene ma n takarua nakoina ibukin te tokanikai.
3 Bwa bon te Atua ae kakannato Iehova,Ao te Uea ae kakannato i aoia atua ni kabane.+
4 A mena i nanoni baina kabin te aonnaba,Ao bon ana bwai taubukini maunga.+
5 Bon ana bwai taari are e karaoia,+Ao baina a karaoa te aba ae mwau.+
6 Nakomai bwa ti na taromauri ao ni bobaraaki,Ti na katorobubua i matan Iehova ae te tia Karaoira.+
7 Bwa boni ngaia Atuara,Ao boni ngaira aomatan ana tawaana,Ao tiibu aika mena i aan ana tararua.*+
Ngkana kam ongo ni bwanaana n te bong aei,+
8 Tai kamatoatoai nanomi n aron are i Meriba,*+Ao n aron are n ana bongi Mata* n te rereua,+
9 Ngke a kataai ami bakatibu,+A kaitaraai, e ngae ngke a a tia n nori au mwakuri.+
10 Bwa I nanamakina te riribai ae korakora nakon te roro arei i nanon 40 te ririki, ao I taku:
“Bon te natannaomata ngaiia aika aki toki n rairakinako nanoia,Ao a tuai man atai kawaiu.”
11 Mangaia ae I taetae n tuea ni marakin nanou ni kangai:
“A na aki ibuokanibwai n au motirawa.”+
Taiani Kabwarabwara Mai Nano
^ Ebera, “i ubuna.”
^ Ebera, “baina.”
^ Ae nanona, “Kauntaeka.”
^ Ae nanona, “Tuoa; Kataa.”
