Areru 96:1-13
96 Anenea te kuna ae boou nakon Iehova.+
Anene nakon Iehova, ngkami kaain te aonnaba ni kabane!+
2 Anene nakon Iehova, karaoiroa arana.
Tataekina ni katoabong te rongorongo ae raoiroi ae taekan ana kakamaiu.+
3 Tataekina mimitongina i buakoia natannaomata,Ao ana mwakuri aika kamimi i buakoia botannaomata ni kabane.+
4 E kakannato Iehova ao e rangi n tau ni karaoiroaki.
E kamimi ma ni kakamaaku riki nakoia atua ni kabane.
5 Akea manenaia atua ni kabane aika atuaia botannaomata,+Ma Iehova boni ngaia ae e karaoa karawa.+
6 A mena i matana te karineaki ma te mimitong,+Ao te korakora ma te tamaroa n ana tabo ae tabu.+
7 Angan Iehova te bae riai n anganaki, ngkami aia utu nako botannaomata,Angan Iehova te bae riai n anganaki ibukini mimitongina ma korakorana.+
8 Neboa Iehova ibukin arana,+Uota te bwaintituaraoi ao rinnako n ana katawanang.
9 Bobaraaki nakon* Iehova ni kunnikai aika katamaroaaki aika tabu,*Kam na rurubenebene i matana, ngkami kaain te aonnaba ni kabane.
10 Tataekina ae kangai i buakoia natannaomata: “E a tia n riki Iehova bwa te Uea.+
E kateaki ni kamatoaaki te aonnaba,* ao e aki kona ni kaingingaki.*
E na motiki taekaia* botannaomata n te riai.”+
11 Ke e kakatonga karawa, ao ke e kimwareirei te aonnaba,Ke e rurunga taari ma kanoana ni kabane,+
12 Ke a kakatonga taian tawaana ma bwaai nako ake iai,+Ao ke a takarua ni kimwareirei n te tai naba anne aroka ni kabane ake n te buakonikai,+
13 I matan Iehova, bwa e a nakomai,*E a nakomai bwa e na motika taekan te aonnaba.
E na motiki taekaia kaain te aonnaba* n te raoiroi,+Ao botannaomata n ana kakaonimaki.+
Taiani Kabwarabwara Mai Nano
^ Ke tao, “ibukin tamaroan tabuna.”
^ Ke, “Taromauria.”
^ Ke, “te aba ae maiureirei.”
^ Ke, “aki kona ni kamwaeieieaki.”
^ Ke, “tei ibukia.”
^ Ke, “e a roko.”
^ Ke, “te aba ae maiureirei.”
